Daý-janjalǵa túrtki bolǵan sebepterdiń biri – qazaqstandyq jumysshylardy til men mádenıetten habarsyz sheteldik sýpervaızerler baqylaǵan
"KazService" munaıservıstik kompanııalar odaǵynyń prezıdıým tóraǵasy Rashıd Jaqsylyqov Teńiz ken ornyndaǵy tártipsizdikke túrtki bolǵan úsh sebepti atady, dep habarlaıdy Sputnik Qazaqstan.
Jaqsylyqovtyń aıtýynsha, birinshi sebep – bas merdiger kompanııa búkil jumysty ózi atqarǵysy kelgen. Iaǵnı, otandyq sýbmerdigerlerdi tartpaǵan.
"Qazaqstandyq kompanııalarmen jumysty bólisken kásiporyndarda mundaı jaǵdaı joq. Biraq, bul jerde bas merdiger jumysshylardy qaıdan aldy degen zańdy suraq týyndaıdy. Ol jumyssyz otyrǵan otandyq kompanııalardyń jumysshylaryn aılyǵyn azdap kóterip, ózine shaqyrǵan", - dedi ol Sputnik Qazaqstan mýltımedııalyq baspasóz ortalyǵynda ótken baspasóz máslıhatynda.
Ekinshi sebep, aıtýynsha, sheteldik sýpervaızerler, qarapaıym tilmen aıtqanda, ınjenerler.
"Bul qyzmetti atqaratyndardyń bári – sheteldik. Iaǵnı, on myńǵa jýyq qazaqstandyq qara jumysty isteıdi, al olardy eki júzden astam sheteldik basqarady. Birinshiden, olar til bilmeıdi, mádenıetten habarsyz, jumysshy men joǵary sapaly maman arasyndaǵy baılanys úziledi, saldarynan túsinispeýshilik paıda bolady", - dedi prezıdıým tóraǵasy.
Úshinshi sebep, munaıservıstik kompanııalar odaǵynyń pikirinshe, sýbmerdiger kompanııalar arasynda dempıng uıymdastyrý.
"Kim eń tómengi baǵany usynady, jumysty soǵan beremin degen. Osydan keıin otandyq kompanııalar eń tómengi baǵany berýge tyrysady. Bul degenimiz, jalaqy, áleýmettik qamsyzdandyrý nashar degen sóz. Mine, osy sebepten jaǵdaı qıyndap, sońy daý-janjalǵa ulasty", - dedi Jaqsylyqov.
Ol qazir atalǵan oqıǵaǵa qatysty quzyrly organdar tergeý jumystaryn júrgizip jatqanyn atap ótti. Arnaıy komıssııa qurylǵan, tergeý aıaqtalǵannan keıin, ken ornyndaǵy tártipsizdiktiń naqty sebebi belgili bolmaq.
Teńizdegi tóbeles
Senbi, 29 maýsym kúni Teńizdegi 3GI zaýytynyń myńǵa jýyq jumysshysy ereýilge shyqqan bolatyn. Buǵan áleýmettik jelidegi sýret sebep bolǵan. Fotoǵa Lıvııa azamaty Elı Daýd (Eli Daoud) pen qazaq qyzy birge túsken.
Sýrettegi kórinisti namysqa tıedi dep eseptegen jumysshylar ereýilge shyǵyp, arab qyzmetkerlerin soqqynyń astyna aldy.
Jelide jappaı tóbelestiń vıdeolary tarala bastaǵan bolatyn. Jumysshylar jabylyp, arab azamatyn soqqyǵa jyqqan.
Buǵan deıin Ishki ister mınıstrligi Teńizdegi jaǵdaı turaqty ekenin habarlady. Oqıǵa ishki ister organdarynyń baqylaýyna alyndy. Atyraý oblysynyń polıııa departamenti buzaqylyq faktisi boıynsha sotqa deıingi tergeýdi bastady.
Consolidated Contracting Engineering & Procurement S.A.L. Offshore (CSER) kompanııasynyń logıstıka jónindegi bas ákimshisi Elı Daýd daý týǵyzyp, ereýilge sebep bolǵan foto úshin qazaqstandyqtardan keshirim surady.
