Nūrlan Ermekbaevtyŋ aituynşa, oqiǧaǧa qatysty tergeu amaldary bır ai ışınde aiaqtalady
Qorǧanys ministrı Nūrlan Ermekbaev Arys qalasyndaǧy jarylystyŋ sebepterın atady, dep habarlaidy Sputnik Qazaqstan tılşısı.
"Salǧyrttyq boluy mümkın. Tez janatyn zattardyŋ tūtanuy, elektr symdardyŋ tūiyqtaluy, tıptı ädeiı ört qoiuy da mümkın. Bügınde bız bırde-bır sebeptı joqqa şyǧarmaimyz. Sondyqtan arnaiy tergeu tobynyŋ jūmysy öz nätijesın beredı degen senım bar", - dedı Ermekbaev jurnalisterge bergen sūhbatynda.
Ministrdıŋ aituynşa, tergeu amaldary bır aidyŋ ışınde aiaqtaluy qajet. Sonyŋ nätijesınde kınälı adamdar qataŋ jazaǧa tartylady. "Osy oqiǧa üşın kınälı adamdar qataŋ jazalanady. Olardy eşkım jasyrmaidy. Bıraq taǧy bır märte aita keteiın, äskeri azamattar öz mındetterın atqardy", - deidı Ermekbaev. Onyŋ sözıne qaraǧanda, ekı aptanyŋ ışınde Arystaǧy äskeri arsenaldy basqa jerge köşıru jūmystary bastalady. Al osy oqiǧadan keiın barlyq äskeri bölımde taǧy bır tekseru jürgızıledı. "Negızı, ondai tekserıster tūraqty türde jürgızıledı. Arysta da bırneşe tekserıs boldy. Sol kezde bırşama kemşılık anyqtalǧan. Bıraq basym bölıgı joiyldy. Soǧan qaramastan, men barlyq garnizon boiynşa taǧy bır tekserıstı ötkızudı ūiǧardym. Negızgı maqsat – eldı mekenderge jaqyn jerlerde artilleriialyq snariadtardy qaldyrmau. Ondai jerlerde tek küzetke arnalǧan oq-därıler ǧana qalady", - dedı Ermekbaev.
