Aqtóbe oblysy sý astynda qaldy. Aımaqtaǵy úsh eldi meken turǵyndary tótenshe jaǵdaıǵa dabyl qaǵý kerektigin aıtýda, - dep habarlaıdy "Adyrna" ulttyq portaly.
Aqtóbe oblysynda erigen sý joldar men kópirlerdi basyp, úılerge de kire bastaǵan. Atap aıtqanda, Embi qalasynyń hali qıyn. Sý basqan úılerdiń naqty sany ázirge belgisiz. Ákimdik aqparatty keıinirek berýge ýáde berip otyr. Qazir barlyq kúsh apat saldaryn barynsha azaıtýǵa jumyldyrylýda.
"Búgin kúndiz Embige kenetten sý kirdi. Bir kósheni, onymen birge birneshe úıdi de sý basyp qaldy. Tótenshe sharalar qabyldaýǵa týra keldi. Sý ótkizý úshin Altyndy-Embi jolynyń ýchaskesin ashý týraly sheshim qabyldandy. Oqıǵa ornynda kezekshilik qurylyp, bul aýmaqtaǵy jol jabyldy», - dedi Muǵaljar aýdanynyń ákimi Darhan Ermaǵanbetov.
Aýdan ortalyǵy Shubarqudyqta da kúrdeli jaǵdaı qalyptasty. Aýylǵa da erigen sý jınala bastady. Ákimdik jaǵdaı baqylaýda, turǵyn úılerdi sý basyp ketý qaýpi joq dep sendiredi.
"Kereeva kóshesiniń boıynda jeke dúkenniń janynan sý tógetin kanal tartyldy. Biraq kóp aǵynnyń saldarynan sý jınala bastady. Sý aǵyny Qazaqaýyl aýdanyndaǵy kárizge baǵyttaldy. Jaǵdaı baqylaýda", - dep habarlady Temir aýdanynyń ákimdigi.
Al Baıǵanın aýdanynda sý ótkizgish qubyrdy erigen sý shaıyp ketken. Saldarynan úsh aýyl baılanyssyz qaldy. Aýyldarda azyq-túlik máselesi joq dep sendiredi ákimdik. Biraq tótenshe jaǵdaıda turǵyndar azyq-túlik alý úshin kórshi Atyraý oblysyna bara alady, dep túsindirdi sheneýnikter.
«Oımaýyt, Mııaly, Dııar aýyldarynda 1500-den astam adam turady. Úsh aýylda da azyq-túlik qory 10 kúnge jetedi. Oımaýyt aýylynda dárigerlik ambýlatorııa, Mııaly, Dııarda feldsherlik pýnkt bar, munda jedel medıınalyq kómekke muqtaj adamdar joq», - dep habarlady Baıǵanın aýdanynyń ákimdigi.
Al sınoptıkter taıaýda oblysta qar aralas jaýyn-shashyn bolady dep boljap otyr. Bul sý tasqyny jaǵdaıyn nasharlatýy múmkin ekenin sheneýnikter joqqa shyǵarmaıdy. Aýdan turǵyndaryn saqtyq tanytyp, qutqarýshylardyń eskertýlerine qulaq asýlaryn surady olar.
Buǵan deıin, Qostanaı oblysyndaǵy Amangeldi aýylynyń sý astynda qalǵany týraly habarlaǵan bolatynbyz. Al Aqmola oblysy, Qoıandy aýylynyń turǵyndary sý basýdyń aldynda turǵan jaǵdaıǵa dabyl qaǵyp, sheneýnikterdi ótkizbeı, tasjoldy jaýyp tastady.
