Qostanaı oblysyndaǵy Amangeldi aýyly sý astynda qaldy, dep habarlaıdy "Adyrna" portaly Tobyl ınfoǵa siltep.
«Qostanaı oblysyna úlken sý ekpini keldi. 25 naýryzda Arqalyqtyń eldi mekenderinde alǵashqy sý tasqyny tirkeldi. 26 naýryzda Amangeldi aýylynda kúrdeli jaǵdaı týyndady», - delingen habarlamada.
Olardyń aıtýynsha, oqıǵa ornynda 18-ge jýyq qutqarýshy jumys istep jatyr, biraq olardyń kúshi jetpeýde. Turǵyndardyń aıtýynsha, jergilikti bılik sý tasqynyna daıyn bolmaǵan.
Jergilikti turǵyndardyń aıtýynsha, úılerge sý kirip, malǵa qaýip tónip tur. Sý tasqynynyń alǵashqy qurbandary – usaq qozylar. Al adamdar múlikteri úshin alańdaýly.
«Adamdar dúrbeleń salýda! Bılik sý tasqynyna tótep bere almaıdy! Ortalyqta Seıfýlın kóshesiniń bárin sý basty, ol jaqta eki mektep bar», - deıdi jergilikti turǵyndar.
