«Qazmunaıgaz» UQ» AQ ereýilge shyqqan jumysshylardyń talabyna jaýap berdi, dep habarlaıdy "Adyrna" tilshisi Qazaqparatqa siltep.
«QazMunaıGaz» UK» AQ basqarma tóraǵasynyń orynbasary Nurseıit Soıýnov «West Oil Software» JShS-nyń zańsyz ereýiline qatysqan jumysshylarǵa beıneúndeý joldap, qarsylyqtyń qalaı sheshilgenin aıtty.
Jumysshylar QMG quramyna qabyldaýdy, ulttyq kompanııada qabyldanǵan biryńǵaı eńbekaqy tóleý júıesine ótkizýdi jáne kásiporynnyń jabdyqtaryn jańartýdy talap etken bolatyn.
Basshylyq ereýilshilerdiń talabymen kelisip, kompanııadaǵy qural-jabdyqtar ázirlengen baǵdarlamaǵa sáıkes úsh jyl ishinde tolyq jańartylady.
Alaıda ereýilge shyqqan West Oil Software ujymy«QazMunaıGaz» quramyna enbeıdi. Basshylyq ereýilshilerdiń biryńǵaı eńbekaqy júıesine kóshý talaptary orynsyz jáne olardyń oryndalmaıtynyn jetkizdi.
«Jumysshylar qoıǵan negizgi talaptarǵa sáıkes, mekemeniń qural-jabdyqtaryn jańartyp, joǵary sapaly eńbek jaǵdaıyn qamtamasyz etý maqsatynda úsh jyldyq merzimge 202 tehnıkany jańartý jospary bekitildi. Jańartý kestesine sáıkes kásiporynǵa jańa tehnıkalar kele bastady. 2023 jyly 17 tehnıka jáne 2024 jyldyń basynan bastap 4 tehnıka alynyp, iske qosyldy. Osy jyldyń sońyna deıin barlyǵy 70 tehnıkany jańartý josparlanýda. Sonymen qatar, qazir óndiristik ǵımaratty jańǵyrtýdyń jobalyq-smetalyq qujattamasy ázirlenýde», – dedi Nurseıit Soıýnov.
Sondaı-aq, aqpan aıynda bolǵan zańsyz ereýilden keıin qyzmetine qaıta oralýǵa sheshim qabyldaǵan 143 qyzmetkerge naýryz aıynda jalaqy tólengen.
«Sizderge kúndelikti óndiriste ózderińizben jumys jasap, qaıtadan qyzmetterin bastaǵan 143 azamatpen birge bolyp, jumys oryndaryńyzǵa oralýǵa shaqyramyn. Sózge toqtaǵan tekti babalardyń urpaǵy, kıeli ólkeniń azamattary retinde eshbir arandatýǵa túspeı, jumysqa oralyp, adal tabys taýyp otyrǵan qyzmetterińizge bilek túre qaıta kirisý qajet dep sanaımyn», - dedi Nurseıit Soıýnov.
