Reseidegı "Krokus siti holl" konsert zalynyŋ iesı Araz Agalarov alǧaş ret konsert zalynda bolǧan laŋkestıkke qatysty pıkır bıldırdı. Būl turaly ol RBK telearnasyna bergen sūhbatynda aitqan, dep habarlaidy “Adyrna” ūlttyq portaly.
Araz Agalarov oqiǧany jalpy adamzattyq qūndylyqtar tūrǧysynan tüsındıruge kelmeitının jäne laŋkestık äreket qūrbandarynyŋ otbasylaryna köŋıl aitty.
Sonymen qatar ol terakt kezındegı küzetşınıŋ qazasy turaly da habarlady. Onyŋ aituynşa, laŋkester zalǧa esıkten emes, körşıles körme ortalyǧynyŋ terezesı arqyly kırgen.
"Avtomattarmen betpe-bet kelgen jäne körgenderınıŋ bärın ata bastaǧan. Barlyq adamǧa, onyŋ ışınde küzetşılerge oq jaudyrdy. Bır küzetşı qaza tapty, ekınşısı jaralandy. Būl tıptı küzetşı emes. Bız olardy "baqylauşy" dep ataimyz", – dedı Crocus Group kompaniialar tobynyŋ prezidentı jäne iesı.
Esterıŋızge sala keteiık, 22 nauryzda Mäskeu tübındegı Crocus City Hall ǧimaratynda terakt boldy. Muzykalyq toptyŋ konsertıne myŋdaǧan adam keldı. Aldyn ala mälımetter boiynşa, ǧimaratqa betperdesız kamufliaj kigen belgısız üş er adam kırıp, adamdardy oq atuǧa kırısken.
Mäskeu oblysynyŋ densaulyq saqtau ministrlıgı laŋkestık äreketten üş balanyŋ qaza tapqanyn habarlady. Jalpy, Reseidıŋ Tergeu komitetınıŋ mälımetınşe, Crocus City Hall-da bolǧan teraktıde qaza tapqandar sany 130-dan astam.
