Tashkentte Naýryz merekesi qarsańynda dıplomatııa men mádenıetke arnalǵan «Ózbekstannyń órkenıettik áleýeti jumsaq kúshtiń basty faktory retinde» atty medıa-shara ótti, dep habarlaıdy «Adyrna» tilshisi fergana.agency-ge silteme jasap.
Ony eldiń mádenı murasyn zertteý, saqtaý jáne nasıhattaý jónindegi dúnıejúzilik qoǵam men Álemdik ekonomıka jáne dıplomatııa ýnıversıteti uıymdastyrdy.
«Bizdiń maqsatymyz — dıplomatııa men mádenıet degen eki kúshti biriktirý. Álemdik qaýymdastyq kóptegen zertteý jumysyn júrgizdi jáne bul bilim bolashaq dıplomattardyń qyzmetinde paıdaly bolýy múmkin. Biz kınematografııa salasynda praktıkalyq yntymaqtastyqty josparlaýdamyz. Ózbek kınosynyń baı murasy bar. Sondyqtan jumsaq kúshti nasıhattap, shet elderge kıno arqyly aǵartýshy zııalylar, jádıdshiler týraly aıtýdy maqsat etip otyrmyz. Aldaǵy ýaqytta Ózbekstan kınematografııa agenttigimen jáne kınoqormen birlesip, halyqaralyq kınoklýb uıymdastyrmaqpyz. Elimizde jumys isteıtin dıplomattardy shaqyryp, ózbek kınosyn shetelde kórsetemiz», – dedi Ózbekstan senaty tóraǵasynyń birinshi orynbasary Sadyq Safaev.