Arystaǵy jarylys kezinde temir jolda túrli suıyq zattar saqtalǵan 460 ısterna bolypty
IIM Tótenshe jaǵdaılar komıtetiniń tóraǵasy Vladımır Bekker Arystaǵy jarylys budan da joıqyn bolýy múmkin ekenin aıtty, dep habarlaıdy "Adyrna" ultttyq portaly Sputnik Qazaqstan saıtyna silteme jasap.
"Temir jolda túrli zattar saqtalǵan 460 esterna bolǵan. Olardyń jarylmaýy adam tańǵalarlyq jaǵdaı. Jaǵdaı budan da aýyr bolar edi. Búginde Arys pen qala mańynan saperler 12 myńnan astam jarylǵysh zat tapty. Jarylystan 3 adam qaza tapty. 2 áskerı jarylys oshaǵynda júrgen, al bir turǵyn jarylǵysh zattyń jarqynshaǵy tıip, kóz jumǵan", - dedi Vladımır Bekker.
Onyń aıtýynsha, qazirgi tańda 50 adam aýrýhanada jatyr.
"Olardyń arasynda aýyr jaraqat alǵandar men balalar bar. Bári aman qalsyn dep tileıik", - dedi tótenshe jaǵdaılar komıtetiniń tóraǵasy.
Sondaı-aq, Bekker 24 maýsym kúni elordadan Arysqa qalaı jetkenin de aıtyp ótti.
"Men saǵat 13:00-de qorǵanys mınıstrimen birge ushtym. Keıin oqıǵa ornyna tikushaqpen jettik. Bizdi sol jerdegi áskerıler kútip aldy. Olar brondy kıim men kaskada boldy. Biz de oq ótpeıtin kıim kıdik. Jarylys oshaǵyna brondy mashınamen jettik", - deıdi Vladımır Bekker ortalyq kommýnıkaııalar qyzmetinde ótken brıfıngten soń jýrnalısterge.
Onyń aıtýynsha, Arys qalasyna barǵan kezde joıqyn jarylystarǵa kýá bolǵan.
"Ol jerde jarylystar áli bolyp jatty. Biz qala men onyń syrtyn aralap shyqtyq. Keıin jarylys bolǵan áskerı bólimge bardyq. Áskerıler oqıǵa ornynan qashyp ketken joq. Onda qarý-jaraq ta boldy ǵoı. Olar bólimdegi zattardyń qaýipsizdigin qamtamasyz etý úshin tıisti shara qoldandy", - dedi tótenshe jaǵdaılar komıtetiniń tóraǵasy.
Vladımır Bekker áskerı qoımada qandaı oq-dárilerdiń jarylǵanyn aıtyp berdi.
"Áskerı bólimniń kartasyn kórdińizder me? Ony Google arqyly kóre alasyzdar. Áskerı bólimde 3 qoımany kórdik. Onda artıllerııa, ınjenerlik mınalar saqtalǵan. Qatelespesem, qoımalardyń biri jarylǵan. 3 shaqyrym jerde ınjenerlik mına saqtalǵan qoıma ornalasypty. Ondaǵy mınalar da detonaııalanǵan", - deıdi ol.
Arystaǵy tótenshe jaǵdaı
24 maýsymda Túrkistan oblysyndaǵy Arys qalasynda jarylys boldy. Qala janyndaǵy áskerı bólimniń qoımasynda órt shyǵyp, oq-dári jaryla bastaǵan.
Jergilikti turǵyndardyń úreıi ushyp, úılerin tastap qasha bastady. Halyqty Shymkent jáne basqa kórshiles eldi mekenderge evakýaııalaý bastaldy.
Jarylys saldarynan úsh adam qaza tapty: bir turǵyn jáne eki áskerı qyzmetker.
Tótenshe jaǵdaı saldarynan kelgen shyǵyn mólsheri 20 mıllıard teńgeshamasynda dep boljanyp otyr.
"Adyrna" ulttyq portaly
