Arystaǧy jarylys kezınde temır jolda türlı sūiyq zattar saqtalǧan 460 sisterna bolypty
IIM Tötenşe jaǧdailar komitetınıŋ töraǧasy Vladimir Bekker Arystaǧy jarylys būdan da joiqyn boluy mümkın ekenın aitty, dep habarlaidy "Adyrna" ūltttyq portaly Sputnik Qazaqstan saityna sılteme jasap.
"Temır jolda türlı zattar saqtalǧan 460 sesterna bolǧan. Olardyŋ jarylmauy adam taŋǧalarlyq jaǧdai. Jaǧdai būdan da auyr bolar edı. Bügınde Arys pen qala maŋynan saperler 12 myŋnan astam jarylǧyş zat tapty. Jarylystan 3 adam qaza tapty. 2 äskeri jarylys oşaǧynda jürgen, al bır tūrǧyn jarylǧyş zattyŋ jarqynşaǧy tiıp, köz jūmǧan", - dedı Vladimir Bekker.
Onyŋ aituynşa, qazırgı taŋda 50 adam auruhanada jatyr.
"Olardyŋ arasynda auyr jaraqat alǧandar men balalar bar. Bärı aman qalsyn dep tıleiık", - dedı tötenşe jaǧdailar komitetınıŋ töraǧasy.
Sondai-aq, Bekker 24 mausym künı elordadan Arysqa qalai jetkenın de aityp öttı.
"Men saǧat 13:00-de qorǧanys ministrımen bırge ūştym. Keiın oqiǧa ornyna tıkūşaqpen jettık. Bızdı sol jerdegı äskeriler kütıp aldy. Olar brondy kiım men kaskada boldy. Bız de oq ötpeitın kiım kidık. Jarylys oşaǧyna brondy maşinamen jettık", - deidı Vladimir Bekker ortalyq kommunikasiialar qyzmetınde ötken brifingten soŋ jurnalisterge.
Onyŋ aituynşa, Arys qalasyna barǧan kezde joiqyn jarylystarǧa kuä bolǧan. "Ol jerde jarylystar älı bolyp jatty. Bız qala men onyŋ syrtyn aralap şyqtyq. Keiın jarylys bolǧan äskeri bölımge bardyq. Äskeriler oqiǧa ornynan qaşyp ketken joq. Onda qaru-jaraq ta boldy ǧoi. Olar bölımdegı zattardyŋ qauıpsızdıgın qamtamasyz etu üşın tiıstı şara qoldandy", - dedı tötenşe jaǧdailar komitetınıŋ töraǧasy. Vladimir Bekker äskeri qoimada qandai oq-därılerdıŋ jarylǧanyn aityp berdı. "Äskeri bölımnıŋ kartasyn kördıŋızder me? Ony Google arqyly köre alasyzdar. Äskeri bölımde 3 qoimany kördık. Onda artilleriia, injenerlık minalar saqtalǧan. Qatelespesem, qoimalardyŋ bırı jarylǧan. 3 şaqyrym jerde injenerlık mina saqtalǧan qoima ornalasypty. Ondaǧy minalar da detonasiialanǧan", - deidı ol.Arystaǧy tötenşe jaǧdai
24 mausymda Türkıstan oblysyndaǧy Arys qalasynda jarylys boldy. Qala janyndaǧy äskeri bölımnıŋ qoimasynda ört şyǧyp, oq-därı jaryla bastaǧan. Jergılıktı tūrǧyndardyŋ üreiı ūşyp, üilerın tastap qaşa bastady. Halyqty Şymkent jäne basqa körşıles eldı mekenderge evakuasiialau bastaldy. Jarylys saldarynan üş adam qaza tapty: bır tūrǧyn jäne ekı äskeri qyzmetker. Tötenşe jaǧdai saldarynan kelgen şyǧyn mölşerı 20 milliard teŋgeşamasynda dep boljanyp otyr."Adyrna" ūlttyq portaly
