Almaty oblysyna qarasty Esık qalasynyŋ maŋyndaǧy Bölek auylynda Ülken Almaty kanalyn kesıp ötetın köpırden 46 jastaǧy er adam qūlap, qaitys boldy, dep habarlaidy "Adyrna" ūlttyq portaly "Almaty telearnasynyŋ aqparatyna sıltep.
Marqūmnyŋ tuystary mäiıttı qūlaǧan jerınen ala almai jatqandaryn aitty. Al jyl saiyn 3-4 adam osy köpırden qūlap qaza tabady degen jūrt, "qylköpır" atalyp ketken būl ötkeldıŋ qūrylys körmegenıne 10 jyl öttı deidı:
«Qūlap baryp, syrǧanap anau tūrǧan betonǧa basyn jaryp, üielep qalǧan. Artqa şyǧuǧa mümkındık joq. Üş qyzy, bır ūly bar. Bır üi azamatynan, asyrauşysynan aiyrylyp otyr. Narynqolǧa äke-şeşemızdıŋ janyna jerlep keldık», – dedı marqūmnyŋ ınısı Eljas Nüsıpov.
Būǧan deiın de talai adam suǧa ketıp, denesın äzer tauypty.
«Bırınşıden, būl köpır emes, «GidroServis» JŞS balansynda tūrǧan üstınen su ötetın qūrylǧy. Al basqa mekemenıŋ balansynda tūrǧandyqtan, memleket tarapynan qarajat bölıp, köpır salyp bere almaimyz. Demeuşı tabylǧan joq, ızdep jatyrmyz», – dedı Eŋbekşıqazaq audany Bölek auyldyq okrugınıŋ äkımı Asyl İziev.
Azamattar älgı qandy ötkelge qūzyrly organ ökılderın şaqyryp, aryz jazdy. Köp ūzamai audandyq prokuraturaǧa da şaǧym tüsırmek. Tūrǧyndardyŋ aituynşa, būl mäselenıŋ qozǧalǧanyna bırşama jyl ötse de jabuly qazan, jabuly küiınde qalyp otyr deidı.
"Bärımızdıŋ küieulerımız nan tabamyn dep tüzde jür. Bız üide otyramyz. Bala-şaǧamyzdy sabaqqa jıbererde qorqamyz. Köpırden ötemın dep, bırnärsege duşar bola ma eken dep, ünemı uaiymdap otyramyz deidı" auyl tūrǧyndarynyŋ bırı.
Posmotret etu publikasiiu v Instagram
Ūqsas jaŋalyqtar
