Reseıdegi saılaý “erkin de, ádil de” bolǵan joq. Bul týraly Aq úıdiń ulttyq qaýipsizdik jónindegi keńesshisi málimdedi, dep habarlaıdy “Adyrna” ulttyq portaly.
«Reseıdegi saılaý «erkin de, ádil de» bolmady. Óıtkeni Vladımır Pýtın óz qarsylastaryn túrmege qamap, basqa yqtımal kandıdattardyń oǵan qarsy turýyna jol bermedi», dep habarlady jeksenbi kúni Aq úı.
Pýtın 17 naýryzda saılaý ýchaskeleri jabylǵannan keıin belgili bolǵan alǵashqy resmı nátıjeler boıynsha 87,97% daýys jınady.
Bılikte jıyrma jyldan astam ýaqyt otyrǵan 70-ten asqan Pýtındi taǵy alty jyldyq merzim kútip tur.
«Reseı Ýkraınada saılaýdy zańsyz ótkizý arqyly beıbitshilikke jol tabýǵa múddeli emes ekenin kórsetip otyr. Ulybrıtanııa óz demokratııasyn qorǵaıtyn ýkraınalyqtarǵa gýmanıtarlyq, ekonomıkalyq jáne áskerı kómek kórsetýdi jalǵastyrady», - dedi Brıtan Syrtqy ister mınıstrligi X platformasynda.
Al Germanııa syrtqy ister mınıstrligi X platformasynda Reseıdegi jalǵan saılaý erkin de, ádil de emes jáne onyń nátıjeleri eshkimdi tań qaldyrmaıtynyn málimdedi.
«Pýtınniń bıligi enzýraǵa, repressııaǵa jáne zorlyq-zombylyqqa negizdelgen avtorıtarlyq bılik. Ýkraınanyń okkýpaııalanǵan aýmaqtaryndaǵy «saılaýdyń» zańdy kúshi joq jáne halyqaralyq quqyqtyń kezekti buzylýy bolyp tabylady», - delingen habarlamada.
Polsha Reseıdegi prezıdenttik saılaýdy «zańdy emes» dep málimdedi. Óıtkeni saýalnamalar Pýtınniń 87 paıyz daýys jınaǵanyn kórsetti.
«Reseıdegi prezıdenttik saılaý zańdy, erkin jáne ádil ótken joq», - delingen Polsha syrtqy ister mınıstrligi málimdemesinde.
Qujatta daýys berý «aýyr repressııa jaǵdaıynda», al Ýkraınanyń basyp alynǵan aýmaqtarynda halyqaralyq quqyqty buza otyryp ótkeni atap ótilgen.
Ýkraına prezıdenti Vladımır Zelenskıı Pýtınniń máńgilik bılik júrgizgisi keletinin jáne Reseıdegi prezıdenttik saılaýdyń zańsyz elikteý ekenin aıtty.
Zelenskıı óziniń beıne úndeýinde «Reseı dıktatory kezekti saılaýǵa elikteıtinin» jáne Pýtınniń «bılikpen aýyratynyn jáne máńgilik bılik etý úshin bárin jasap jatqanyn» aıtty.
«Bul saılaýǵa elikteýde eshqandaı zańdylyq bolýy da múmkin emes. Bul adam Gaaga sotyna kelýi kerek. Biz osyǵan jetýimiz kerek», - dep qosty Ýkraına prezıdenti.
