Almaty qalasy äkımdıgınen Bauyrjan Baibektıŋ ketıp, onyŋ ornyna Baqytjan Saǧyntaevtyŋ keluın ärkım ärtürlı qabyldauda. Äleumettık jelını qoldanuşylardyŋ basym bölıgı Bauyrjan Baibektı qaralap baǧuda. Kölık jürgızuşısı retınde avtobustarǧa arnaiy jol berılıp, avtokölıkterdıŋ keptelıs jaǧdaiyna tüsuıne özım de talai renjıgen edım. Bıraq tereŋırek oilasam, kölıkterdıŋ sanynyŋ artuy ekologiia mäselesın tudyrady, ol bügın ǧana emes, bolaşaq ūrpaqqa da zalaldy kesel. Tarazynyŋ ekı basy bar degım keledı. Äleumettık jelıdegı syndardyŋ keibırımen kelıse otyryp, Bauyrjan Baibektıŋ men bıletın oŋ qyrlaryn, qalamyzǧa sıŋırgen eŋbegın de jazudy jön kördım. Bauyrjan Baibektıŋ jaŋa tolqyn, jas buynnan ekenı körınıp tūratyn. Tıptı sovettık sananyŋ «taŋbasyndai» jūrnaǧy «ov»-tan da arylǧan äzırşe Almaty tarihyndaǧy jalǧyz äkım bolyp tūr. Qazırgı kelıp jatqan jaŋa äkımge de, özge şeneunıkterge de qūlaqqaǧys. Ekınşıden, barlyq jer asty ötkelderın jöndep, ūlttyq naqyştaǧy surettermen bezendırıp, küiler kümbırlep tūratyn deŋgeige jetkızdı. Qazaqtyŋ keŋ jaziraly dalasynyŋ suretterı men qoŋyr küiı köŋılımızge säl de bolsa şattyq syilady. Osy baǧyttaǧy jūmysty jaŋa äkım jalǧastyrsa, jaman emes. Üşınşıden, köşe boilarynda, aulalarda, saiabaqtarda tegın jattyǧu jasaityn trenajerler ornatyp, seruendeitın baqtardy jainatty. Äsırese, Alatau audanynda, özım tūratyn Zerdelı (būrynǧy «Alǧabas 6») yqşam audanynda älgındei jūmys qarqyndy türde jürdı. Sol saiabaqtarda talai seruendep jürıp bır auyz jyly söz jazuǧa, jaqsyny jaqsy deuge jarymadym... Törtınşıden, Almaty qalasynyŋ 1000 jyldyǧyn ötkızıp, ony tarihi tūrǧydan däleldegen konferensiialar jasap, qala tarihyn Vernyidan bastaityn orysşyl şovinisterge aiamai soqqy jasady. Sonyŋ özı orystıldı aqparat qūraldarynyŋ äkımge tısın qairap qastasuyna jetkılıktı edı. Orystıldıler «äkım myŋ jyldy qaidan aldy?» dep neşetürlı sarkazmge toly maqalalar jazǧany älı esımde. Besınşıden, qos memlekettık mekeme sirk jäne quyrşaq teatryn qazaqylandyrdy. Būǧan deiın būl mekemelerdıŋ basşylyǧynda özge ūlt ökılderı otyryp, orys tılı men mädenietınıŋ basymdyǧy därejesınde jūmys jürgızılgen edı. Tıptı repertuarlarynda bırde-bır qazaq qoiylymy joq edı ǧoi. Osy mekemelerge qazaqşyl, ısker qazaq azamattaryn otyrǧyzyp, ol jerlerge de ūlttyq reŋk berdı. Būl ülken ideologiialyq, saiasi qadam edı. Soǧan özım şyn quanǧan edım. Oilap körıŋızşı, Almaty qalasynda däl osy tūrǧyda künı bügınge deiın otyryqsyzdandyru saiasaty jürmegen eken ǧoi. Ol Bauyrjan Baibektıŋ äkımdıkke keluın 30 jyldai kütken eken. Esımovty qoişy, Tasmaǧambetov qaida qaraǧan? Balalarymyzdy teatr men sirkte orys ertegılerımen tärbieletıp qoiyp, aqyn-jazuşylardyŋ jaǧdaiyn jasaumen ǧana ainalysqan ba? Altynşydan, «Alatau» dästürlı öner teatryn aşyp, bırde-bır özge qalada joq ūlttyq öner ortalyǧyn aşty. Qanşama jūmyssyz jürgen ūlttyq öner ökılderınıŋ az bölıgıne bolsa da saia bolyp keledı. Sol siiaqty keremet qolöner ortalyǧyn aşty, Almaty muzeiın zamanaui tūrǧyda qaita jaŋǧyrtty. Jetınşıden, ūlttyq baǧyttaǧy köptegen jobalarǧa qoldau körsetıp otyrdy. Jyraulardyŋ halyqaralyq festivalıne qoldau jasady, söitıp tuystas türık halyqtarynyŋ öner maitalmandaryn talai jinady. «Qazaq handyǧy» seriialyna aqşa jetpei tūralap qalǧan bır kezeŋde qomaqty qarajat bölıp jūmysty jandandyrǧanyn sol jobanyŋ basy-qasynda jürgen ssenaristredaktor, jazuşy-önertanuşy, tarihşy Erlan Töleutai aǧamyz da jazǧan edı. Öz basym, Bauyrjan Baibektıŋ öz qyzmetınde qala bergenın qalar edım. Degenmen, jaŋa äkım Baqytjan Saǧyntaevtan da küter ümıt az emes. Jaŋa äkım qaiyrly bolsyn deimız! Al Bauyrjan Baibekke özge de jaŋa belesterdı baǧyndyryp, tek ūlt müddesıne qyzmet ete beruın tıleimız!
Arman Serıkūly, «Adyrna» ūlttyq-etnografiialyq bırlestıgınıŋ Prezidentı
