Resei Federaldyq qauıpsızdık qyzmetı (FQQ) "Mäskeudegı sinagogaǧa jasalmaq şabuyldyŋ aldyn aldyq" degen jeleumen bolǧan yqtimal atysta Qazaqstannyŋ ekı azamaty qaza tapqanyn jariialady, dep habarlaidy "Adyrna" ūlttyq portaly reseilık BAQ-qa sılteme jasap.
Reseidıŋ arnaiy qyzmettı laŋkestık ärekettıŋ aldyn aldyq deidı. FQQ mälımetınşe, «Vilaiat Horasan» tobynyŋ (İslam memleketınıŋ auǧanstandyq tarmaǧy boluy mümkın) müşelerı Mäskeudegı sinagogaǧa qaruly şabuyl jasamaq bolǧan, dep jazady ASTRA Telegram arnasy. Mälımetke qaraǧanda olar Kaluga oblysyndaǧy jeke üilerdıŋ bırınen tabyldy. Tūtqyndau kezınde küdıktıler qarsylyq körsetkenı jäne oqiǧa qantögıspen aiaqtalǧany aityldy.
7 nauryz künı taŋerteŋ Koriakovo auylynda FQQ men küdıktı islamşylar arasynda atys boldy, dep habarlaidy ASTRA aqparat közderı. Nätijesınde "laŋkestık äreketke daiyndaldy" degen ekı küdıktı – Qazaqstan azamattary, 35 jastaǧy Säbit Äşıraliev pen 32 jastaǧy Jänıbek Tasqūlaev qaza tapty. Qauıpsızdık qyzmetkerlerınıŋ aituynşa, olar Reseige aǧymdaǧy jyldyŋ 28 aqpanynda kelgen.
Jeke üige jasalǧan reidten keiın qauıpsızdık küşterı Makarov tapanşasyn, Kalaşnikov avtomatyn jäne jarylǧyş qūrylǧylardy jasauǧa arnalǧan daiyndamalardy tärkıledı.
Arnaiy qyzmet taratqan videoda atys kezı tüsırılmegen. Tek Kalaşnikov avtomattary men onyŋ qasynda jatqan mäiıtterdıŋ beinesı tarady.
Oqiǧanyŋ şyn-ötırıgı täuelsız aqparat közderı arqyly rastalǧan joq. Sondyqtan onyŋ Resei arnaiy qyzmetı habarlaǧandai sipatta örıstegenıne äzırge dälel joq.
https://youtu.be/W8Y0TpFWCd0
Aita keteiık, İslam memleketınıŋ "Vilaiat Horasan» (İGİL-K) bölımşesı — Auǧanstan men Päkıstanda äreket etetın auǧandyq laŋkestık top. 2016 jyly şıldede atalmyş toptyŋ saldarynan 80 adam, sol jyldyŋ tamyz aiynda 94 adam qaza tauyp, 2020 jyldyŋ mamyr aiynda Kabul perzenthanasyna jasalǧan şabuyl kezınde 24 adamnyŋ (ışınde jaŋa tuǧan näresteler men analar da bar) ömırın qidy.
Ūqsas jaŋalyqtar
