Ǵylym jáne joǵary bilim mınıstri Almatydaǵy jer silkinisinen keıin qaı joǵary oqý oryndaryna zaqym kelgenin aıtty, dep habarlaıdy "Adyrna" tilshisi
Almatyda 4 naýryz kúni qatty jer silkinisi bolyp, birneshe oqý oryndarynyń qıraǵany týraly aqparat taraǵan bolatyn.
Mınıstr Saıasat Nurbek qatty qıraýdyń bolmaǵanyn, Ál-Farabı atyndaǵy Qazaq Ulttyq ýnıversıteti, Abaı atyndaǵy QazUPÝ, Qazaq Ulttyq Qyzdar Pedagogıkalyq ýnıversıteti jáne birneshe jataqhana ǵımarattarynda jaryqtar paıda bolǵanyn málimdedi.
"Biz seısmıkalyq tózimdilik boıynsha qala qurylysy bólimderinen arnaıy mamandardy shaqyryp, saraptama júrgizdik. Tirek qurylymdaryna zaqym kelgen joq. Jaryqtar bar, biraq bul qaýip týdyrady dep aıta almaımyz. Barlyq stýdent dereý shyǵaryldy. Birneshe pýnkte ótetin UBT toqtatyldy. Biz barlyq sabaqty toqtattyq", - dedi mınıstr májilis kýlýarynda.
Belgili bolǵandaı jer silkinisinen keıin paıda bolǵan jaryqtardy jóndeý jumystaryn ýnıversıtetter óz qarajatyna jasamaq. Mınıstr shyǵyn kólemi az ekenin atap ótti.
