Bir top halyqaralyq quqyq qorǵaýshylar Túrkimenstanǵa kelgen Eýropadaǵy qaýipsizdik jáne yntymaqtastyq uıymynyń (EQYU) bas hatshysy Helga Shmıdti bul elmen yntymaqtastyqty keńeıtýden bas tartýǵa shaqyrdy. Osyǵan qatysty Túrkimen Helsınkı Adam quqyqtary qorynyń (THF) saıtynda 20-dan astam quqyq qorǵaý uıymy ókilderiniń úndeýi jarııalandy, dep habarlaıdy "Adyrna" ulttyq portaly fergana.agency saıtyna siltep.
Qol qoıýshylar Helga Shmıdten Túrkimenstan prezıdenti Serdar Berdimuhamedovke Ashhabadtyń halyqaralyq adam quqyqtary men EQYU mindettemelerin oryndamaǵanyna qatysty alańdaýshylyq bildirýin surady.
Úndeýde «EQYU Túrkimenstanmen yntymaqtastyǵyn adam quqyqtary salasyndaǵy túıtkildi máselelerdi sheshýde aıtarlyqtaı tekseriletin progreske qol jetkizbeıinshe keńeıtpeýi kerek», - delingen.
Quqyq qorǵaýshylar Túrkimenstandaǵy áriptesterin qýdalaýdyń birneshe mysalyn keltirdi. Oǵan zańger ári belsendi Pyǵambergeldi Allaberdyev pen jýrnalıst Soltan Achılova syndy bılikti synaýshylarǵa shetelge barýdan bas tartqanyn eske saldy.
Sondaı-aq qol qoıǵan taraptar Túrkimenstannyń 2003 jyldan beri bul saıasatty BUU-da birneshe ret synǵa alǵanyna qaramastan bılik óz opponentteri dep sanaıtyn júzdegen adamdardy uzaq ýaqyt boıy baılanyssyz (syrtqy álemmen baılanyssyz) ustaýdyń zańsyz tájirıbesin toqtatpaǵanyn eske saldy.
Olar Túrkimenstan múshe bolyp tabylatyn EQYU Túrikmenstan bıligin tez arada:
- Allaberdıevti, Achılovany jáne basqa belsendilerdi saıası ustanymy jáne sóz bostandyǵy quqyǵyn zańdy túrde júzege asyrǵany úshin qýdalaýdy toqtatýǵa;
- bas bostandyǵynan aıyrý oryndarynda kúshtep joǵalyp ketýdi toqtatý jáne jazasyn óteý merzimi ótken barlyq adamdardy bosatýǵa;
- Túrkimenstan azamattaryn el ishinde jáne shetelde zorlyq-zombylyqsyz azamattyq áreketi úshin qýdalaý, qorqytý jáne jazalaý tájirıbesin toqtatýǵa shaqyrdy.
EQYU Bas hatshysy Helga Marııa Shmıd 4-6 naýryz aralyǵynda Qyrǵyzstan, Tájikstan, Túrkimenstan, Ózbekstannyń qorshaǵan ortany qorǵaý mınıstrlerimen, sondaı-aq Qazaqstannyń Qorshaǵan ortany qorǵaý mınıstriniń orynbasarymen kezdesý úshin Túrkimenstanǵa barady. Ashhabadta Ortalyq Azııadaǵy qaýipsizdik pen turaqtylyq úshin klımattyń ózgerýiniń saldary, transshekaralyq sýdy basqarý salasyndaǵy aımaqtyń problemalary, energetıkalyq qaýipsizdik, apattar qaýpin azaıtý máseleleri jáne t.b. taqyryptar boıynsha pikirtalas ótedi.
Helga Shmıdti Túrikmenstan prezıdenti Serdar Berdimuhamedov qabyldaıdy dep kútilýde. Ol sondaı-aq Ortalyq Azııanyń barlyq elderindegi EQYU mıssııalary basshylarynyń jyl saıynǵy kezdesýine tóraǵalyq etedi.
