2019 jyldan bastap Prezıdent Qasym-Jomart Toqaev elimizdegi qorǵanys kúshiniń materıaldyq bazasynyń mańyzyn uǵyndyrýdy kózdep, áskerı qyzmetti damytýǵa den qoıǵan edi. Al basty maqsat áskerdi óz isine myǵym, adal, joǵary sanatty qyzmetkerler men ofıerlermen qamtamasyz etýge negizdeldi. Zamanaýı ári Jańa Qazaqstan úshin bul qalaı da oryndalý kerek maqsatqa aınaldy.
Sharalardyń basy mekteptegi oqýshylardyń áskerge degen qulshynysy men qyzyǵýshylyǵyn arttyrýdan, jastardy áskerge beıimdeýden bastalǵan. Bul memlekettiń qorǵanys kúshin nyǵaıtyp, alpaýyt ári turaqty, ásker quryp, óskeleń urpaqtyń patrıottyq sezimderin eselep arttyrýǵa baǵyttalǵan.
Negizi áńgimeni aldymen mynadan bastaǵan durys. Áskerı qyzmetke degen qulshynysty arttyrýdyń birden-bir joly - osy salanyń qyzmetkerleri úshin qoǵamdyq baspaldaqtardy qurý. Iaǵnı ári qaraı kásibı jáne jeke damýǵa, qoǵamdyq joǵarǵy statýs pen jaqsy jalaqymen, syıaqymen qamtamasyz etý qajet. QR Qorǵanys mınıstri bul jaǵdaıdy baqylaýynda ustap otyrǵany anyq. Al Prezıdentimizdiń
"2023 jyldan bastap áskerı ushqyshtardyń, pedagogterdiń, áskerı medıına qyzmetkerleriniń jalaqysy orta eseppen 60%-ǵa artady. 2024 jyly áskerı shen úshin beriletin qarjy 30%-ǵa kóbeıedi", - degeni osyǵan dálel.
Taǵy da áskerı qyzmetkerlerdiń zeınetaqy máselesi de qaralyp jatqanyn aıta ketti.
Áskerdiń mańyzyn arttyra túsetin taǵy bir faktor - kásibı básekelestik. Bul osy saladaǵy bilim men ǵylymnyń damýymen tikeleı baılanysty. Eń aldymen bul problemada Ulttyq qorǵanys ýnıversıteti men 3 áskerı ınstıtýttyń jaǵdaıy esepke alynady. Máselen, sońǵy 20 jylda bul jerden 70 myń adam joǵary sanatty maman túlep ushqan. Áskerı mamandyqtardy alýǵa degen qyzyǵýshylyq únemi mektepterdegi materıaldyq-tehnıkalyq bazalardyń jańartylýynan, zamanaýı qurylǵylarmen qamtamasyz etilýinen, áskerı-tehnıkalyq mamandyqtardyń kóbeıýinen týyndaıdy. Tipti bul salada sheteldermen tájirıbe almasatyndaı úlken múmkindik bar. Al kadrlardyń potenıalyn baǵalaý arqyly jańa talapty quramdy jáne olardyń qanshalyqty mańyzdy mamandar ekenin anyqtaýǵa bolady. Ásirese, jıi ótetin halyqaralyq áskerı oıyndarda elimizdiń quramy erekshe belsendilik tanytyp, úzdik oıyn kórsetýde. Máselen, Halyqaralyq áskerı oıyndarynda "Tank bıatlony", "Adal dos" sııaqty kezeńder men konkýrstar bar.
Jastar arasynda osyndaı sharalardyń qataryna "Jas sarbaz" áskerı-patrıottyq klýbyn, Smart Sarbaz úıirmesin aıtýǵa bolady. 250 myńǵa jýyq bala osyndaı sharalarǵa belsene qatysyp júr. Al eń úzdigi "Aıbyn" respýblıkalyq jastar jıynynda óz jetistikterin kórsete alady.
Jastardyń áskerge barýy úshin memleket tarapynan birneshe jeńildikter de jasalýda:
- sarbazdardyń darynyn ashý úshin olar ózderi qyzyqqan áskerı mamandyqty oqytady;
- túrli lgottar (kredıtti kanıkýldar);
- áskerge barǵandar eki jyl kóleminde UBT-syz JOO-ǵa túse alady.
Májilis depýtattary osyǵan taǵy da áskerge degen qarjylaı qoldaýdy arttyrý kerek dep esepteıdi.
Aıdos Sarym "Mektep, ýnıversıtet, qoǵamnyń qorǵanys kúshterimen baılanysyn arttyrýdy kózdeıtin zań bolmaq. Biz arnaıy áskerı uıymdardyń bar ekenin bilemiz, biraq olardyń aldaǵy ýaqytta júıege aınalǵanyn kózdep otyrmyz. Mekteptegi oqýshylardan bastap óz qaýipsizdigin qamtamasyz ete alatyn alǵashqy áskerı daıyndyqtardyń bolǵanyn qalaımyz", - deıdi.
Barlyq jaǵdaı, shara qolǵa alynyp, jasalynyp jatyr. Jeńildikter de jeterlik. Endi tek "elim deıtin, jerim deıtin" sarbazdar kóbeıse boldy.
Foto: Egemen Qazaqstan
