Bas prokýrordyń orynbasary Áset Shyndalıev UQK tóraǵasynyń burynǵy birinshi orynbasary Samat Ábishtiń isine jáne syrttaı úkim shyǵarylǵan eks-ákim Bergeı Rysqalıevtiń jelide taraǵan sýretine qatysty suraqqa jaýap berdi, dep habarlaıdy "Adyrna" ulttyq portaly.
Shyndalıev Samat Ábishtiń isi sotta ekenin aıtyp, onyń ázirge ne istep, ne qoıyp júrgenine jaýap bere almaıtynyn aıtty:
"Men bul is sotta ekenin bilem. Al onyń qaıda, ne istep júrgenin... Ol Qazaqstanda. Tergeý kezinde ol "eshqaıda ketpeý jóninde qolhatpen" júrgen. Budan ári aıta almaımyn, óıtkeni bul iske meniń de ruqsatym joq", - dedi Áset Shyndalıev Májilis kýlýarynda.
Sonymen qatar jýrnalıster Áset Shyndalıevten “Qazaqstanda sottalǵan Bergeı Rysqalıev qalaısha Londonda emin-erkin júr?” dep surady. Áset Shyndalıev rasynda da, Atyraý oblysynyń eks-ákimine syrttaı úkim shyqqanyn, alaıda ókinishke qaraı Ulybrıtanııa men Qazaqstan arasynda ony ekstradaııalaý boıynsha eshqandaı kelisim joqtyǵyn aıtty.
"Eger tıisti kelisim bolmasa, bizdiń quqyq qorǵaý organdary eshteńe isteı almaıdy. Resmı saýal joldańyzdar. Bálkim, mundaı ótinimder jiberilgen de shyǵar. Biraq onyń qalaı oryndalǵanyn bilmeımin", – dedi Shyndalıev.
