Prezıdent Qasym-Jomart Toqaevtyń tóraǵalyǵymen Qaýipsizdik keńesiniń kezekti otyrysy ótti, dep habarlaıdy "Adyrna" ulttyq portaly.
Onda Ulttyq qaýipsizdik strategııasyn iske asyrýdyń negizgi tásilderin jańartý máseleleri talqylandy. Memleket basshysy qaralyp jatqan máselelerdiń álemdegi kúrdeli geosaıası jaǵdaıǵa baılanysty Qazaqstannyń ekonomıkalyq jáne áskerı áleýetin nyǵaıtý turǵysynan erekshe mańyzdylyǵyn atap ótti.
Sonymen qatar premer-mınıstrdiń orynbasary – Ulttyq ekonomıka mınıstri Nurlan Baıbazarovtyń esebi tyńdalyp, birqatar tıisti memlekettik organdardyń basshylary aqparat berdi.
Prezıdent Toqaev ulttyq qaýipsizdikke qaýip tóndiretin negizgi syn-qaterlerge obektıvti taldaý jasap, olardyń aldyn alý sharalaryn ázirleý qajettigin aıtty. Memleket basshysy azamattar men, tutastaı alǵanda ,memlekettiń qaýipsizdigi máseleleri olardyń qyzmetiniń basym baǵyty retinde Úkimet pen barlyq vedomstvolardyń nazarynda bolýy tıis ekenin atap ótti.
Otyrys qorytyndysy boıynsha, ulttyq múddeni qorǵaý jáne ulttyq qaýipsizdikke tónetin qaterlerdi basqarý júıesiniń tıimdiligin arttyrýǵa baǵyttalǵan sheshimder qabyldandy.
"Adyrna" ulttyq portaly
