Qoǵam belsendisi Muhtar Taıjan áıelin óltirdi dep aıyptalǵan burynǵy Ulttyq ekonomıka mınıstri Qýandyq Bıshimbaev ákesi - Ýálıhan Bıshimbaetyń kómeginiń arqasynda jazadan qutylyp ketýi múmkin ekenin aıtady, dep habarlaıdy "Adyrna" ulttyq portaly.
22 aqpanda Bıshimbaevtyń advokattarǵa bergen suhbatynda kisi óltirmegenin aıtyp, óz kinásin moıyndamaıtynyn jetkizgen.
Osy máselege qatysty saıasatker Muhtar Taıjan "advokattarmen suhbat - Qýandyq Bıshimbaevtyń atyn aǵartý úshin jasalǵan úlken naýqannyń bir bóligi ǵana" dep esepteıtinin aıtty. Ol bul istiń bastamashysy yqpaldy depýtat, akademık jáne kúdiktiniń ákesi Ýálıhan Bıshimbaev ekenine senimdi.
"Men kisi óltirýshilerdiń ómirin saqtap qalǵan dárigerlerdi kinálamaımyn. Bul olardyń kásibi, mindeti jáne anty. Olar kez kelgen adamdy emdeýge jáne qutqarýǵa mindetti. Men sondaı-aq kisi óltirýshilerdi qorǵaıtyn advokattardy da kinálamaımyn. Bul da olardyń kásibi, mindeti, anty. Olar árbir adamdy qorǵaýǵa mindetti.
Biraq men Bıshimbaevtyń ákesi, akademık, laýreat, eńbek sińirgen qaıratker, rektor jáne "Nur-Otannyń" depýtaty, Nazarbaevtyń dosy Ýálıhan Bıshimbaevty kinálaımyn. Ol memleket (halyq) qarjysyn tonaýshy uryny tárbıelep, ósirdi. Muny sot dáleldep otyr. Sonymen qatar ol Nazarbaevtyń ulyna merziminen buryn keshirim jasaýyna qol jetkizgenine senimdimin. Sondyqtan qylmysker bostandyqqa shyǵyp, óziniń jazalanbaıtynyna senimdi boldy. Al bul jaǵdaı úlken tragedııaǵa ákeldi.
Qazir kishi Bıshimbaev áıeli Saltanat Núkenovany erekshe qatygezdikpen óltirdi degen kúdikke ilindi. Endi, mine, BAQ arqyly ol ulyn aqtaý naýqanyn uıymdastyryp otyrǵan áke ekenine taǵy da senimdimin. Balasynyń áreketine ókingeni týraly sóz joq. Eger sot Qýandyqtyń kinásin dáleldese, onda ákesin barlyq qurmeti men ataq-marapatynan aıyrýdy talap etý kerek. Onyń tárbıesi jazyqsyz adamnyń ólimine ákeldi. Ol saltanat pen qurmetke laıyq emes, ol sógis pen uıatqa laıyq. Bul barlyq jemqor ata-analarǵa sabaq bolady", - dedi saıasatker óz oıyn ashyq aıtyp.
"Adyrna" ulttyq portaly
