Almaty qalasy mäslihatynyŋ kezekten tys 14-sessiiasynda ekı jaŋa basqarma qūru ūsynyldy, dep habarlaidy "Adyrna" ūlttyq portaly.
Almaty mäslihatynyŋ kezekten tys 14-sessiiasynda ekı jaŋa basqarma qūru ūsynyldy: seismikalyq qauıpsızdık jäne jūmyldyru daiyndyǧy basqarmasy jäne qoǧamdyq keŋıstıkter basqarmasy.
Almaty äkımı apparatynyŋ basşysy Beibıt Şahanovtyŋ aituynşa, seismikalyq qauıpsızdık jäne jūmyldyru daiyndyǧy basqarmasynyŋ basty mındetı - seismikalyq standarttardyŋ saqtaluyn qamtamasyz etu, jer sılkınısı täuekelderın basqaru, tūrǧyndardy TJ kezınde negızgı daǧdylarǧa oqytudy qamtamasyz etu, TJ kezınde PD jäne TJD jūmystaryn üilestıru.
Qoǧamdyq keŋıstıkter basqarmasy qoǧamdyq keŋıstıkterdı damytudyŋ jalpy qaǧidattary men ädısterın qamtamasyz etuge, basqarmalar men qala äkımdıgınıŋ jūmysyn üilestıruge baǧyttalǧan. Sondai-aq, būl basqaru qoǧamdyq keŋıstıkterdı damytu tūjyrymdamalaryn daiyndauǧa, qala üşın maŋyzdy qoǧamdyq keŋıstıkterdı jaŋǧyrtuǧa jauapty bolady.
Almatyda bır aidai būryn, 23 qaŋtarǧa auǧan tünı eleulı jer sılkınısı sezılgen bolatyn. Astana uaqytymen 23 qaŋtar künı 00 saǧat 09 minutta jer sılkıngen. Episentrı megapolisten oŋtüstık-şyǧysqa qarai 264 şaqyrym jerde, Qazaqsten men Qyrǧyzstan şekarasy aumaǧynda boldy.
Energetikalyq sanaty – 15.1. MPV terbelısı – 6.7. Tereŋdıgı – 65 km.
Jer sılkınısı Almatyda 5 ball deŋgeiınde (MSK-64 şkalasy boiynşa) sezıldı.
Sol tünı Almaty tūrǧyndary üreilenıp, üiınen köşege, dalaǧa şyqty. Olar eleulı jer sılkınısınen keiın jappai qaladan syrtqa aǧyldy. Köşelerdegı qatty keptelıske qosa janarmai qūiu beketterınde ūzaq sonar kezek bolǧan.
Jer sılkınısınen bırneşe adamnyŋ zardap şekkenı habarlandy. Üş tūrǧyn köpqabatty üidıŋ ekınşı jäne üşınşı qabatynan sekırıp, mertıkken.
Ūqsas jaŋalyqtar
