Jer silkingen soń. Almaty ákimdiginde seısmıkalyq qaýipsizdik basqarmasy qurylmaq

1360
Adyrna.kz Telegram
foto: Inbusiness.kz
foto: Inbusiness.kz

Almaty qalasy máslıhatynyń kezekten tys 14-sessııasynda eki jańa basqarma qurý usynyldy, dep habarlaıdy "Adyrna" ulttyq portaly. 

Almaty máslıhatynyń kezekten tys 14-sessııasynda eki jańa basqarma qurý usynyldy: seısmıkalyq qaýipsizdik jáne jumyldyrý daıyndyǵy basqarmasy jáne qoǵamdyq keńistikter basqarmasy.

Almaty ákimi apparatynyń basshysy Beıbit Shahanovtyń aıtýynsha, seısmıkalyq qaýipsizdik jáne jumyldyrý daıyndyǵy basqarmasynyń basty mindeti - seısmıkalyq standarttardyń saqtalýyn qamtamasyz etý, jer silkinisi táýekelderin basqarý, turǵyndardy TJ kezinde negizgi daǵdylarǵa oqytýdy qamtamasyz etý, TJ kezinde PD jáne TJD jumystaryn úılestirý.

Qoǵamdyq keńistikter basqarmasy qoǵamdyq keńistikterdi damytýdyń jalpy qaǵıdattary men ádisterin qamtamasyz etýge, basqarmalar men qala ákimdiginiń jumysyn úılestirýge baǵyttalǵan. Sondaı-aq, bul basqarý qoǵamdyq keńistikterdi damytý tujyrymdamalaryn daıyndaýǵa, qala úshin mańyzdy qoǵamdyq keńistikterdi jańǵyrtýǵa jaýapty bolady.

Almatyda bir aıdaı buryn, 23 qańtarǵa aýǵan túni eleýli jer silkinisi sezilgen bolatyn. Astana ýaqytymen 23 qańtar kúni 00 saǵat 09 mınýtta jer silkingen. Epıentri megapolısten ońtústik-shyǵysqa qaraı 264 shaqyrym jerde, Qazaqsten men Qyrǵyzstan shekarasy aýmaǵynda boldy.

Energetıkalyq sanaty – 15.1. MPV terbelisi – 6.7. Tereńdigi – 65 km.

Jer silkinisi Almatyda 5 ball deńgeıinde (MSK-64 shkalasy boıynsha) sezildi.

Sol túni Almaty turǵyndary úreılenip, úıinen kóshege, dalaǵa shyqty.  Olar eleýli jer silkinisinen keıin jappaı qaladan syrtqa aǵyldy. Kóshelerdegi qatty kepteliske qosa janarmaı quıý beketterinde uzaq sonar kezek bolǵan.

Jer silkinisinen birneshe adamnyń zardap shekkeni habarlandy. Úsh turǵyn kópqabatty úıdiń ekinshi jáne úshinshi qabatynan sekirip, mertikken.

Pikirler