Almaty äkımdıgı aǧa ört söndıruşı-qūtqaruşy Arslan Qūrmanbekovtıŋ otbasyna köŋıl aitty. Marqūmnyŋ käsıbi qyzmet üstınde qapiiadan qalai qaitys bolǧany aityldy, dep habarlaidy "Adyrna" ūlttyq portaly.
Almaty äkımdıgınıŋ habarlauynşa, azamattyq qorǧau serjanty Arslan Qūrmanbekov Ile-Alatau ūlttyq tabiǧi parkındegı taudyŋ bauraiynda örttı söndıru kezınde qyzmettık boryşyn ötep jürgen. Qapiiada marqūmnyŋ üstıne janyp jatqan aǧaştyŋ dıŋı qūlaǧan. Ökınışke qarai, azamat alǧan jaraqattarynan köz jūmǧan.
"Almaty äkımdıgı marqūmnyŋ tuystaryna qatty qaiǧyryp, köŋıl aitady. Būl orny tolmas auyr qaiǧy. Qūtqaruşy mamandyǧynyŋ qaşan da täuekelı joǧary. Serjant ülken qaiǧyly oqiǧanyŋ aldyn alu üşın öz ömırın qūrban ettı. Onyŋ öşpes erlıgın ärıptesterı jäne qala tūrǧyndary ūmytpaidy", - dep mälımdedı Almaty äkımdıgı.
Eske sala otyraiyq, 2023 jylǧy 7 mamyrda 23:52-den berı Almatynyŋ Medeu audany Ile-Alatau memlekettık ūlttyq tabiǧi parkınıŋ filialy, Kışı Almaty ormanşylyǧynyŋ tau bauraiynda qūrǧaq şöpter men qūlaǧan aǧaştar (quraǧan aǧaştar) örtenıp jatyr.
Medeudegı örttı söndıru kezınde bır adam qaza tapty, taǧy bır qūtqaruşy qolyn jaraqattady.
"Adyrna" ūlttyq portaly
Ūqsas jaŋalyqtar
