16 aqpanda Almaty áýejaıynan bes reıs toqtatylyp, 60-y keıinge qaldy, dep habarlaıdy “Adyrna” ulttyq portaly.
Azamattyq avıaııa komıtetiniń málimetinshe, qazir áýejaı termınalynda 750-ge jýyq jolaýshy óz reısterin kútip otyr.
“Qazirgi ýaqytta Almaty aerodromynyń aýmaǵyndaǵy aýa raıy: jel 4 m/s, kórý qashyqtyǵy 10 km, tuman, aýa temperatýrasy -17. Qazirgi ýaqytta aýa raıy jaǵdaıyna jáne jaýyn-shashynǵa baılanysty (qatty qar jaýyp, tuman) áýejaıda ushý-qoný jolaǵy men perrondy tazalaý jumystary júrgizilýde”, - delingen habarlamada.
Azamattyq avıaııa komıteti reısterdiń keshigýi jolaýshylardyń qaýipsizdigin qamtamasyz etý sebebinen bolyp jatqanyn atap ótti.
"Aýa-raıy jaqsarǵan saıyn reısterdiń keshigýine qatysty jaǵdaı turaqtalýda. Áýejaı basshylyǵy jumyldyrylyp, avıakompanııa ókilderi jolaýshylardy barlyq qajetti aqparatpen qamtamasyz etýde", - dep habarlandy.
Aıta keteıik, 17 aqpandaǵy saǵat 02:00-ge deıin jeldiń ekpini 8 m/s, kóriný 800 m, nóserli qar, qalyń tuman. Al saǵat 10:00-den bastap jeldiń ekpini 3 m/s jetedi, kóriný 3 100 m, jaýyn-shashyn boljanbaıdy, temperatýra -15.
“Adyrna” ulttyq portaly
