Rustam Qaraǧoişin «Bäiterek» Ūlttyq basqaruşy holdingınıŋ basşysy bolyp taǧaiyndaldy. Būl turaly Premer-ministrdıŋ orynbasary – Ūlttyq ekonomika ministrı Nūrlan Baibazarov aitty, dep habarlaidy «Adyrna» tılşısı.
Rustam Timurūly 1983 jyly tuǧan. Qazaqstandyq menedjment, ekonomika jäne boljau institutyn jäne Halyqaralyq biznes akademiiasyn tämamdaǧan. Iskerlık äkımşılendıru magistrı därejesıne ie.
Eŋbek jolyn 2004 jyly «Qazaqstannyŋ Damu bankı» AQ-da («Bäiterek» ŪBH» AQ enşıles ūiymy) bastady, onda jobalyq taldau departamentınıŋ menedjerı, bas menedjerı jäne basqarma bastyǧy bolyp jūmys ıstedı. 2007 jyldan 2011 jylǧa deiın «QDB – Lizing» AQ Basqaruşy direktory - Basqarma müşesı lauazymyna auystyryldy.
2011-2015 jyldary «Petroleum Operating» JŞS mūnai jäne mūnai önımderı marketingı departamentınıŋ syrtqy ekonomikalyq qyzmet bölımınıŋ bastyǧy, «Credit Systems» JŞS Basqarma Töraǧasy, «Sberbank Lizing» JŞS Bas direktorynyŋ orynbasary, Bas direktory bolyp jūmys ıstedı.
2015 jyldan 2019 jyldyŋ aqpan aiyna deiın «QazAgroQarjy» AQ Basqarma töraǧasynyŋ orynbasary qyzmetın atqardy.
2019 jyldyŋ aqpan-mamyr ailary aralyǧynda «Qazaqstannyŋ astyq konsorsiumy» JŞS Bas direktory boldy.
2019 jyldan 2021 jylǧa deiın «Bäiterek» ŪBH» AQ Basqarma töraǧasynyŋ orynbasary qyzmetın atqardy, onyŋ ışınde «Damu» käsıpkerlıktı damytu qory» AQ jäne «Qazaqstannyŋ Damu Bankı» AQ Direktorlar keŋesınıŋ müşesı boldy.
2021 jyldan 2024 jylǧa deiın jeke sektorda ärtürlı qyzmetter atqardy.
Aita keteiık, aşyq derekterde Rustam Qaraǧoişin İndustriia jäne qūrylys vise-ministrı Timur Qaraǧoişinnıŋ ūly ekenı körsetılgen. 2023 jyly ol Forbes nūsqasy boiynşa Qazaqstannyŋ eŋ yqpaldy 50 biznesmenınıŋ qataryna kırgen edı.
