Ulytaý oblysynda jer silkinisi bolǵany týraly aqparat tarady, dep habarlaıdy "Adyrna" tilshisi Tengrinews.kz-ke siltep.
Tirkelgen derekterge sáıkes, jer asty dúmpýleri 14 aqpan kúni Astana ýaqyty boıynsha saǵat 11:09-da tirkelgen.
"Sátbaev qalasynan ońtústik-batysqa qaraı 9 shaqyrym jerde jer silkinisi boldy. Magnıtýdasy-4,6. Energetıkalyq klass - 11", - delingen Qazaqstandyq derekter ortalyǵynyń habarlamasynda.
Tótenshe jaǵdaılar mınıstrligi bolsa, "sezilmegen seısmıkalyq oqıǵalar" týraly habarlady.
"14.02. saǵat 08.00-den 11.42-ge deıingi aralyqta Ulytaý oblysynyń Sátbaev qalasynda «Qazaqmys» JShS bas geomehanıgi Ońtústik Jezqazǵan kenishiniń jumys istep turǵan №65 shahtasynda bos oryndardy májbúrlep josparly óteý oryn alǵany týraly habarlama tústi, sonyń saldarynan sezilmegen seısmıkalyq oqıǵalar tirkeldi. Zardap shekkender týraly aqparat túsken joq. Oqıǵa ornyna TJD qyzmetkerleri (shamamen 20 km qashyqtyq) shyqty", - delingen mınıstrlik habarlamasynda.
Degenmen, jer silkinisin onlaın kórsetetin bazalarda sońǵy táýlikte Ortalyq Azııa boıynsha jer silkinisi tirkelmedi.
Birneshe kún buryn jelide "jer silkinisi bolady" degen aqparat taraǵan bolatyn. Alaıda Almatydaǵy brıfıng barysynda Seısmologııalyq baqylaýlar men zertteýler Ulttyq ǵylymı ortalyǵynyń dırektory Dáýlet Sársenbaev jer silkinisi kútilmeıtinin málimdedi.
"2024 jylǵa 70 paıyz qatty jer silkinisi kútilmeıdi", - dedi Dáýlet Sársenbaev.
