QR Qarjy monıtorıngi agenttiginiń jańa basshysy taǵaıyndaldy, dep habarlaıdy “Adyrna” ulttyq portaly.
Jańa basshy – buǵan deıin QMA tóraǵasynyń orynbasary qyzmetin atqarǵan Dmıtrıı Malahov.
Tıisti jarlyqqa Prezıdent Qasym-Jomart Toqaev 2024 jylǵy 13 aqpanda qol qoıdy.
«Dmıtrıı Mıhaılovıch Malahov buryn atqarǵan qyzmetinen bosatyla otyryp, Qazaqstan Respýblıkasy Qarjy monıtorıngi agenttiginiń tóraǵasy bolyp taǵaıyndalsyn», - delingen qujatta.
2023 jyldyń qazanynda Dmıtrıı Malahov Qarjy monıtorıngi agenttigi tóraǵasynyń orynbasary bolyp taǵaıyndaldy. Buǵan deıin ol Sybaılas jemqorlyqqa qarsy is-qımyl agenttigi tóraǵasynyń birinshi orynbasary qyzmetin atqarǵan (2022 jylǵy naýryzdan 2023 jylǵy qazanǵa deıin).
“Adyrna” ulttyq portaly