Osydan 18 jyl buryn dál osy kúni memleket jáne qoǵam qaıratkeri, jýrnalıst, dıplomat, saıasatker Altynbek Sársenbaıuly eki kómekshisimen birge joǵalyp, 13-i kúni Almaty irgesindegi taý bókterinen denesi tabylǵan bolatyn.
Oppozıııa jetekshisi Altynbek Sársenbaıuly men onyń eki kómekshisi Vasılıı Jýravlev pen Baýyrjan Baıbosyndy 2006 jyly aqpannyń 11-i kúni urlap áketken. Oqqa ushqan úsheýiniń máıiti eki kúnnen keıin, ıaǵnı aqpannyń 13-i kúni Almaty irgesindegi taý bókterinen tabylǵan bolatyn.
Bul týraly resmı basylymdarda «Qazaqstannyń ulttyq qaýipsizdik komıtetiniń arnaıy toby ofıerleriniń qatysýymen jasalǵan qastandyqtyń nátıjesinde qaza boldy» dep jazyldy.
Al, otbasy men qyzmettesteri bul ólimdi saıası turǵydan óltirilgen ólim dep atady jáne bul ólimge jaýapty joǵarǵy bılik dep aıtty.
Halyqaralyq rezonans týdyrǵan qylmysqa qatysty júrgizilgen tergeý amaldary men sot proesinde qastandyqty «kek alý maqsatymen» uıymdastyrýshy dep tanylyp, sottalǵan senat apparatynyń burynǵy basshysy Erjan Ótembaev pen ulttyq qaýipsizdik komıtetiniń (UQK) burynǵy ofıerleriniń keıbiri jazasyn ótep, erkindikke shyqty. Biraq qoǵamnyń, ásirese Altynbek Sársenbaıuly jaqtastarynyń kókeıindegi «naǵyz qylmyskerler sottaldy ma?» degen kúdik áli kúnge deıin seıilmeı keledi.
