Almaty qalasy Kommýnaldyq ınfraqurylymdy damytý basqarmasy basshysynyń orynbasary alaıaqtyq jasady degen kúdikke ilindi. Bul týraly Antıkordyń baspasóz qyzmeti aıtty, dep habarlaıdy «Adyrna» tilshisi.
«Almaty qalasy boıynsha Sybaılas jemqorlyqqa qarsy qyzmet «Almaty qalasynyń kommýnaldyq ınfraqurylymdy damytý basqarmasy» KMM basshysynyń orynbasaryna qatysty sotqa deıingi tergeý júrgizýde.
Sheneýnik alaıaqtyq jasaý boıynsha kúdikke ilindi. Aldaý arqyly ol aýla aýmaqtaryn kútip ustaý, jınaý jáne QTQ shyǵarý boıynsha qyzmetter kórsetý sharttaryn jasasý syltaýymen 21 mln teńge kóleminde jergilikti kásipkerdiń aqshalaı qarajatyn ıemdengen»,—delingen habarlamada.
Kúdikti úı qamaǵyna alyndy. Qazirgi tańda tergeý jalǵasyp jatyr.