Resei prezidentı Vladimir Putinnıŋ Taker Karlsonmen sūhbaty amerikalyq jurnalistıŋ saitynda jariialanyp, äleumettık jelıde körsetıldı, dep habarlaidy “Adyrna” ūlttyq portaly.
Jurnalistıŋ aituynşa, būl öŋdelmegen nūsqa.
Sūhbat barysynda Putin ukrainalyq ärıptesınıŋ Reseimen kelıssöz jürgızu erkındıgı boldy, qazır de mümkındık bar dep sanaidy.
Jurnalist Putinnen Zelenskiidıŋ qaqtyǧysty retteu boiynşa kelıssöz jürgızu erkındıgı bar ma dep sūrady.
"Bılmeimın. Būl mäsele boiynşa maǧan baǧa beru qiyn. Bıraq qalai bolǧanda da ol erkındık bar jäne kezınde boldy dep oilaimyn", - dep jauap berdı reseilık prezident.
Sondai-aq, Putin Zelenskiimen Ukrainadaǧy neonasizm turaly söileskenın aitty.
"Bırde men onymen būl turaly söilestım. Men "Volodia, sen ne ıstep jatyrsyŋ? Äkeŋ faşizmge qarsy soǧysqanda, bügınde Ukrainadaǧy neonasisterdı nege qoldap otyrsyŋ? Ol maidanger bolǧan" dep aittym", - dedı Putin.
Putinnıŋ aituynşa, prezidenttık bilıkke kelgen Vladimir Zelenskii "ekı närsenı" tüsındı.
"Bırınşıden, neonasistermen jäne ūltşyldarmen janjaldaspaǧan dūrys. Öitkenı olar agressivtı jäne öte belsendı, sondyqtan olardan kez kelgen närsenı kütuge bolady. Ekınşıden, AQŞ bastaǧan Batys Reseige qarsy soǧysqandarǧa ärqaşan qoldau körsetedı, sondyqtan būl tiımdı jäne qauıpsız", - dedı Resei basşysy.
Putinnıŋ aituynşa, Zelenskii öz halqyna Ukrainadaǧy soǧysty aiaqtaimyz dep uäde bergenımen, qazır tiımdı közqarasty ūstanyp otyr. Ol öz sailauşylaryn aldaǧan.
Sondai-aq, jurnalistpen äŋgımelesu barysynda Putin Ukrainadaǧy jaǧdaidy talqylap, ony beibıt kelıssözderden, sondai-aq NATO jäne AQŞ-pen qarym-qatynastan bas tartty dep taǧy da aiyptady. Būdan bölek, olar «Soltüstık aǧyn» jäne «Soltüstık aǧyn-2» gaz qūbyrlarynyŋ jarylystary men Reseide tyŋşylyq jasady dep aiyptalǧan The Wall Street Journal jurnalisı Evan Gerşkovichtıŋ qamauǧa alynuyn aita kettı.
