Batys Qazaqstan oblysynyŋ äkımı Nariman Töreǧaliūlynyŋ bastamasymen 2024-2026 jyldarǧa arnalǧan «Qaladan auylǧa» pilottyq jobasy bastau aldy. Būl turaly Kaztalov audany äkımdıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Baǧdarlamanyŋ maqsaty – azamattadyŋ auylǧa keluı yntalandyru, halyqtyŋ köşı-qonyn azaitu, auyldyq jerlerde jūmys küşı tapşylyǧyn joiu, auyldyq jerlerde agroönerkäsıp keşenın tūraqty damytudy qamtamasyz etu, şaǧyn orta biznes subektılerınıŋ sanyn arttyru, tūraqty jūmys orny joq qala azamattarynyŋ, sondai-aq jas otbasylardyŋ äleumettık mäselelerın şeşuge qoldau körsetu.
Bügın öŋırlık baǧdarlama aiasynda Kaztalov audanynyŋ Bolaşaq auyldyq okrugı, Jaŋataŋ eldı mekenıne qonys audaruǧa niet bıldırgen Oral qalasynyŋ tūrǧyny Aiat Bolatūly Sisenov auylǧa qonys audaryp, baǧdarlamanyŋ igılıgın körmek. Audan äkımı Aslanbek Sarqūlov Oral qalasyna arnaiy baryp, Sisenovtar äuletımen jüzdesıp, auylǧa qonys audaruǧa jäne auyl ekonomikasynyŋ damuyna üles qosuǧa bıldırgen ızgı nietterı üşın rizaşylyǧyn bıldırıp, baǧdarlamany audanymyzda jüzege asyru jūmystaryna toqtaldy.
Kaztalov audany boiynşa atalǧan jobaǧa 8 eldı meken (Jaŋataŋ, Äbış, Köpkütır, Jas, Saryqūdyq, Saraljyn, Satybaldy, Kömekşı) belgılendı. Atalǧan jobany jüzege asyru boiynşa aǧymdaǧy jyldyŋ basynda arnaiy jūmys toby qūryldy. Barlyq keluşılerge sol eldı mekennen jūmys mäselesı, tūrǧyn üimen qamtu mäselesı qarastyrylady. Jūmys tobymen Oral qalasynda tūryp jatyrǧan 13 otbasymen söilesu jürgızıldı. Nätijesınde 4 otbasy auylǧa köşıp keluge niet bıldırıp otyr. Sonymen qatar osy eldı mekenderge jeke investor esebınen üi salu josparlanuda. Köşıp keluge niettı azamattarǧa jergılıktı demeuşıler esebınen ūsaq malyn jäne ırı qara malyn beru, 1 mln 476 myŋ teŋgege qaitarymsyz grant aluǧa jäne «Auyl amanaty» baǧdarlamasy boiynşa nesie aluǧa bolatyndyǧy jönınde tüsınık jūmystary jürgızılude.
Jaŋataŋ eldı mekenınıŋ tumasy Aiat Sisenovtyŋ şaŋyraǧynda 5 bala bar. Onyŋ ekeuı mektep jasyndaǧy balalar bolsa, üş bala mektepke deiıngı jastaǧy balalar qatarynda. Bügıngı künge deiın bes jyl boiy oblys ortalyǧynda päter jaldap kelgen Sisenovtar janūiasy Jaŋataŋ auylynda baspanamen jäne jergılıktı mesenattardyŋ demeuşılıgıme ırı qara jäne ūsaq malmen qamtamasyz etıledı. Sonymen qatar köpbalaly ata-anany jūmyspen qamtu mäselesı de oŋ şeşımın tauyp otyr.
Sisenovtar janūiasyn qaladan köşıru jūmystaryna audan äkımdıgı men "Jastar ruhy" jastar qanatynyŋ erıktılerı qoldau körsettı.
