Elbasy málimdegendeı, Táýelsizdiktiń qandaı qıynshylyqpen kelgenin bilmeıtin jastar azat Otanynan aıyrylyp qalatynyn túsine bermeıdi
Qazir elimizdiń baılyǵyna qyzyǵatyndar ishimizge iritki salý úshin qoljaýlyq bolatyndardy izdeıdi. Ókinishke qaraı, ondaılar tabylady. Qazaqstanǵa tónetin eń úlken qaýip osy. Bul týraly Elbasy Nursultan Nazarbaev 21 maýsymda ótken "Kemeńgerliktiń 30 jyly" atty halyqaralyq ǵylymı-praktıkalyq konferenııada aıtty, dep habarlady Aqorda.
Nazarbaev atap ótkendeı, qazaq halqy birliktiń arqasynda jaýlaryn jeńip, eli men jerin saqtap qalǵan.
"Qazaqty baǵyndyryp, bodan etý úshin handyǵyn tartyp alyp, júzge, rýǵa bólinýin aılakerlikpen paıdalanǵan. Qazir de elimizdiń tabystaryn kóre almaıtyn, baılyǵymyzǵa qyzyǵatyndar az emes", - dedi ol.
Elbasy olar ishimizge iritki salý úshin qoljaýlyq bolatyndardy, jetekke eretinderdi izdeıtinin jetkizdi.
"Ókinishke qaraı, ondaılardy tabady. Bul baıaǵy "bólip al da, bıleı ber" deıtin jymysqy saıasat. Bizge tónetin eń úlken qaýip osy. Táýelsizdiktiń qandaı qıynshylyqpen kelgenin zerttemeıtin, bilmeıtin jastar búgingi erkin kúninen, azat Otanynan aıyrylyp qalatynyn túsine bermeıdi", - dep tolyqtyrdy ol.
Tuńǵysh prezıdenttiń pikirinshe, memleket buǵan jol bermeýi qajet. Búkil halyq bolyp birlikti, tynyshtyqty qoldaý kerek.
"Qazaq dál búgingideı ómirdi eshqashan kórgen joq. Aıyrylyp qalmaıyq. Meniń elime aıtatyn negizgi ósıetim osy. Uly Abaıdyń "birińdi, qazaq, biriń dos kórmeseń – istiń bári bos" degeni de osy bolar. Umytpaıyq", - dep atap ótti Elbasy.
Nazarbaev halyq pen prezıdent árdaıym birge ekenin aıta kele, aldyńǵy tolqyn – aǵa býynǵa sóz arnady.
"Sizder paıym-parasattaryńyz ben kóregendikterińizge súıenip, jastarǵa durys baǵyt-baǵdar berýlerińiz kerek. Olar Otandy súıýdiń, memleketti nyǵaıtýdyń, Táýelsizdikti qorǵaýdyń jáne jarqyn bolashaq úshin jumys isteýdiń mańyzdylyǵyn jete túsinýge tıis", - dep túıindedi Nazarbaev.
Sputnik.
