Jýrnalıst Aslan Qajenovke Astanada kúres túrlerinen ótip jatqan Qazaqstan birinshiliginen habar taratýǵa kedergi keltirilgen. Bul týraly BAQ ókiliniń ózi Facebook jelisindegi paraqshasynda aıtty, dep habarlaıdy «Adyrna» tilshisi.
«Qazir Astanada kúres túrlerinen Qazaqstan chempıonaty ótip jatyr. Ol bastalmaı turyp, úlken daý burq etti. Ishki birinshilikke legıonerler qaptaı bastady. Taǵy da kelip qosylady degen sybystar bar. Federaııa tarapynan resmı túsindirme bolmady. Áleýmettik jelidegi qyzý pikirtalasqa núkte qoıylmady. Áli kúnge deıin ne bolyp jatqanyn bilmeımiz. Kimnen suraımyz? Nege kelimsekter kóbeıdi? Túpki maqsat qandaı?
Endi búgin sol kelimsekterdi óz kózimmen kóreıin dep jekpe-jek saraıyna arnaıy bardym. Fınal aldyndaǵy birer saǵattyq úzilis eken. Osy fotoǵa túsip úlgergenim joq, basy-qasynda júrgender qýyp shyqty. Týra maǵynasynda qýyp shyqty. Qasymdaǵy áriptesim sol sátti telefonǵa túsirgisi kelgen edi. Onyń uıaly qurylǵysyn tartyp aldy. Ishindegi vıdeony tazalady. Ne masqara mynaý? Ne áreket bul?
Jabaıy emespiz, qylmysker emespiz. Sózdiń retin de túsinemiz. Qazaqstan chempıonatynan habar tarata almasaq, nesine qazaq jýrnalısti bolyp júrmiz? Nebir qurlyqtyq jáne álemdik alamandardyń ortasynda boldym. Búkil jerde etıka bar. Ótinish, jigitterge aıtyp qoıyńyz, ashýlaryn bir jerlerine tyǵyp qoısyn. Ary-beri ıtermelep, telefonymyzdy tartyp alatyndaı loh emespiz. Aıtpaqshy, álgi vıdeo óshirilgen joq. Zamanaýı telefondardyń sondaı qasıeti bar. Ony da eskertińiz»,—dedi ol.
Sport jýrnalısi Májilis depýtaty Dáýlet Turlyhanovtan úlken úmit kútkenin jetkizdi.
«Odan keıin keshe Májiliste sportqa qatysty zań jobasy talqylandy. Ashyǵyn aıtaıyn, sizden (Dáýlet Turlyhanov — red.) úlken úmit kúttim. Óıtkeni, basqa-basqa, otandyq sporttyń bylyǵy men shylyǵyn betine shyǵaryp, retteýdi usyna alatyn sanaýly adamdardyń birisiz. Málimdemeńizden keıin álgi úmit sý sepkendeı basyldy. Býkmekerlik kompanııaǵa qatysty «ne ot horosheı jıznı» degen pikir bildirdińiz. Qarjynyń tapshylyǵymen túsindirdińiz. Kúres federaııasyna byltyrdyń ózinde memleketten 150 mıllıon teńgeden asa qarjy bólingen. Ony qaıda jumsadyńyz? Esebin kim beredi? Onyń ózi jetkiliksiz be? Ashyq aıtsańyzshy. Al, endi jetkilikti bolsa, onda nege federaııa OLIMPBET-pen kelimshart jasasty?
Bul endi ózińizdiń quziretińizge kiretin, sheshilýi qolyńyzdan keletin negizgi máseleler. Odan bólek, sportshylardyń, bapkerlerdiń jáne kúres aınalasynda júrgen mamandardyń túıitkilderi jetedi. Ony da jıi estımiz. Ulttyq quramanyń daıyndyǵy jáne kúrestiń damý júıesine qatysty da suraq kóp. Biraz adam «Dáýlet aǵa azamat qoı, qazaqtyń batyry ǵoı, oǵan tıispeı-aq qoıshy» - dep habarlasady. Men sizdiń jeke basyńyzda eshqandaı sharýam joq. Kezinde el namysyn qorǵap, abyroıymyzdy asqaqtatqanyńyzdy baǵalaımyn. Biraq, endi otandyq kúresti suraýǵa qaqymyz bar shyǵar? Ishki birinshilikke emin-erkin kirip, nege qalyń qazaq jankúıerine aqparat tarata almaımyz? Túsinemin, tártip bar. Bolýy da kerek. Biraq, shash al dese, bas alýdy qashan qoıamyz? Otandyq sportty, onyń ishinde, otandyq kúresti qalaı damytamyz? Qalaı bir jolǵa qoıamyz? Naqty jospar men strategııa bar ma? Álde, tek legıonerlerge senemiz be? Dáýlet myrza ne deısiz? Jalpy ne istep júrsiz?!»—dedi Aslan Qajenov.
