Qazaqstan musylmandary Dinı basqarmasy «ımam» jolaýshy men taksıshi arasynda bolǵan janjalǵa qatysty málimdeme jasady, dep habarlaıdy «Adyrna» tilshisi.
Buǵan deıin áleýmettik jelide taksı júrgizýshisi men er adamnyń janjaldasyp jatqan vıdeosy taraǵan edi. Jeli qoldanýshylary «Allahý akbar, aýdarylyp qal!» degen aýyr sózdi aıtqan adam Gúldala aýylyndaǵy meshittiń ımamy ekenin jazǵan bolatyn.
Alaıda múftııat bul aqparatty joqqa shyǵardy.
«Buqaralyq aqparat quraldary men áleýmettik jelilerde Bahtııar Jaqsylyqov esimdi azamattyń taksı júrgizýshisimen kıkiljińge kelip, dóreki áreket kórsetkeni jáne onyń «ımam» ekeni talqylanýda.
Osy oraıda Bahtııar Jaqsylyqovtyń Qazaqstan musylmandary dinı basqarmasynyń qyzmet júıesinde jumys istemeıtinin resmı túrde málimdeımiz. Sondaı-aq buqaralyq aqparat quraldary ókilderi men áleýmettik jeli qoldanýshylarynan anyqtalmaǵan habardy taratpaýyn suraımyz»,—delingen habarlamada.
