Toqaev Tasmaǵambetovty aldyra ma?

2276
Adyrna.kz Telegram

"Kúrkirep kúndeı ótti bir soǵys" dep Qasym aqyn aıtqandaı saılaýdyń da shýy men dýy basyldy. Qazirgi "tazarǵan" saıasat alańynda elde Qasym-Jomart Toqaevtan asqan saıasatker joq. Onyń basty qarsylasy bolǵan Ámirjan Qosanovtyń saılaý qorytyndysy shyǵar-shyqpastan quttyqtap, moıyndaǵany da sonyń dáleli. Anaý bylaı bolǵanda, mynaý bylaı bolǵanda degen áńgimeniń barlyǵy endi bos sóz bolyp qala bermek.

Biraq, biz bir saıasatkerdi qaperden tys qaldyrdyq. Ol, Qazaqstannyń Reseıdegi tótenshe jáne ókiletti elshisi Imanǵalı Tasmaǵambetov. Qazaqstandaǵy sońǵy "oıyndar" ýaqytynda Tasmaǵambetovtyń oıynnan tys qalǵanyn eskersek, Imanǵalıdyń  saıası salmaǵy artpasa tómendegen joq. Endigi suraq, kezinde Elbasy Nazarbaev "shekara asyrǵan" Tasmaǵambetovty qazirgi prezıdent Toqaev Qazaqstanǵa aldyra ma?

Saılaýdan keıin úsh kún boıy elimizdiń basty qalalarynda halyqtyń saılaýǵa, júıege degen narazylyq mıtıngilerin eskerse, Qasym-Jomart Kemeluly Imanǵalı Nurǵalıulyn aldyrady. Aldaǵy kúzde ótetin Parlament saılaýynda bıliktiń partııasyn kátepti qara nardaı súıreıtin tulǵa ol- Tasmaǵambetov. El ishinde súıkimi bar Imanǵalıdyń jýrnalıster men zııaly qaýym aldynda da bet-bedeli bar. Bıliktiń olıgarhtyq klandary da "Tastan" aıaǵyn tartyp júredi. qyzý qandy búkil Batystyń Imanǵalıdy qalaı han kóteretinin eskersek, jáne dál qazir kadrlyq daǵdarystaǵy bıliktiń jaǵdaıyn baǵamdasaq Tasmaǵambetovty Máskeýden Nur-Sultanǵa aýystyrý tıimdi sheshim bolmaq.

Al, endi kezindegi bıliktiń ózi qaýiptengen Tasmaǵambetovtyń Qazaqstanǵa oralýy qazirgi bılik úshin "ashyq mınany" óz erkimen aldyrǵanmen birdeı. Lıder kútip otyrǵan halyq úshin Imanǵalıdyń oralýy, halyqtyń "kókten suraǵanyn jerden bergenmen" teń jaǵdaıda. Kánigi saıasatker Nurǵalıuly da buny bilip otyr. Joǵaryda aıtqanymyzdaı jýrnalıster men zııaly qaýymnyń qoldaýynan bólek, halyqtyń da súıispenshiligin eskersek, bul "shahmat júrisi" bılik úshin óte qaýipti qadam.

Al, Tasmaǵambetovtyń óz oıy qandaı ekeni belgisiz. Eger, ambıııasyn aqylyna jeńdirse, bárinen tys qalǵany durys. Barlyq "oıynnan". Qazir Qazaqstan saıasatynda "qarańǵy bólmeden qara mysyq oınaý" oıyny ótip jatyr. Halyqqa bedeli bar tulǵalar saıasattyń "batpaǵyna batyrylyp", aǵash atqa mingizilýde. Tasmaǵambetovty joq degende depýtat retinde aldyrǵan kúnniń ózinde aıaǵy qalaı bolaryn ózi de sezip otyr. Kezinde sol kezdegi Astana qalasynyń ákimi bolǵan Nurǵalıuly jýrnalıster aldynda "qandaı jaǵdaıda bolmasyn depýtat bolmaıtynyn" málimdegen bolatyn.

Sońǵy sóz Tasmaǵambetovten. "Ýaqyt -tóreshi".

Ońǵar Qabden

"Adyrna ulttyq portaly

 

 

Pikirler