Maŋǧystau oblysyndaǧy balalar brusellez auruyn eşkı sütınen jūqtyrǧany anyqtaldy, dep habarlaidy "Adyrna" portaly Maŋǧystau oblysynyŋ sanitarlyq-epidemiologiialyq baqylau departamentıne sıltep.
"2023 jyly Maŋǧystau oblysynda brusellezdıŋ üş jaǧdaiy tırkeldı. Tırkelgen üş jaǧdaidyŋ barlyǧy 14 jasqa deiıngı balalar. Balalar būl aurudy auru januarlardyŋ (eşkılerdıŋ) sütın tūtynu arqyly jūqtyrǧany anyqtaldy", - delıngen habarlamada.
2023 jyldyŋ körsetkışı 2022 jylmen salystyrǧanda Maŋǧystauda jetı jaǧdaiǧa tömendedı.
Brusellez-tırek-qimyl, jüike, jürek-qantamyr jüiesıne äser etetın, köbınese mügedektıkke äkeletın auyr, emdeluı qiyn jūqpaly auru. Adamdardy jūqtyru közı tek auru januarlar arqyly (qoi, eşkı, ırı qara, şoşqa jäne t.b.) bolyp tabylady. Brusellez adamdarǧa januarlarǧa kütım jasau kezınde jäne auru januarlardyŋ etı men süt önımderın paidalanu kezınde saqtyq şaralary saqtalmaǧan jaǧdaida jūǧady.
Ūqsas jaŋalyqtar
