Shyǵys Qazaqstanda belgisiz jyrtqysh qoradaǵy qoıdy qyryp ketken, dep habarlaıdy "Adyrna" tilshisi Inbusiness.kz-ke siltep.
Shyǵys Qazaqstan Samar aýdanynda belgisiz jyrtqysh bir úıdiń qoradaǵy 15 qoıyn qyryp ketti.
Aýdan ákimdigi malǵa shapqan belgisiz jyrtqyshtyń sileýsin bolýy múmkin dep boljaýda. Aýdan ákiminiń orynbasary:
Belgisiz jyrtqysh qoraǵa esiktiń túbin qazyp kirgen. Sileýsin shyǵar dep otyrmyz. Sebebi, qasqyr bolsa qoılardy jaryp keter edi, al bul jyrtqysh tek qanyn iship ketken. Jaraly qoılar da baýyzdaldy. Barlyǵy aýyldyń mal óleksesin kómýge arnalǵan orynǵa kómiledi. Sebebi jyrtqyshtyń silekeıinde túrli qaýipti aýrýlar bolýy yqtımal. Qazirgi kezde aýyldyq okrýg ákimdigi keltirilgen shyǵyndy esepteýde, – deıdi.
Al mal ıesi qoılardy qyrǵan qasqyrlar ekenine senimdi.
Tańerteń qoraǵa kirip kelsem, ishi qan-josa. Maldarymynyń birazy jerde qyrylyp jatyr. Shoshyp kettim. Ańshylar izdi kórdi. Aýylǵa kirgen jáne shyqqan izine deıin tapty. Olar qasqyrlar deıdi. Shamasy 3 bas jyrtqysh bolýy kerek. Ishindegi bireýiniń izi úlken, al ekenýiniki kishkene. Soǵan qaraǵanda balalary ǵoı deımin. Alǵashynda sileýsin dep oılaǵanbyz. Biraq ańshylar sileýsin bir mezette bulaı qyra almaıdy deıdi. Bundaı jaǵdaı aýylda birinshi ret bolyp tur, – deıdi Kókjota aýylynyń turǵyny.
Aýyl turǵyndary da óz balalarynyń qaýipsizdiginen alańdaıtynyn aıtty.
