«Qazaqtelekom» AQ 25 mln teńgege jarnamalyq obektilerdiń ıdeıasy men dızaınyn ázirleý boıynsha qyzmetterge ashyq tender jarııalady, dep habarlaıdy «Adyrna» ulttyq portaly.
Baıqaýdy «Telekom Komplekt» Dırekııasy AQ fılıaly uıymdastyryp otyr. Shart boıynsha qyzmet kórsetý merzimi, qol qoıylǵan kúnnen bastap 2024 jylǵy mamyrǵa deıin. Tólem joba aıaqtalǵannan keıin júrgiziletini atap ótilgen.
Tehnıkalyq erekshelikke sáıkes, josparlanǵan qyzmetterdiń maqsaty «Qazaqtelekom» AQ-nyń 2023 jylǵa arnalǵan ıntegraııalyq jyldyq esebin, onyń ishinde qarjylyq emes aqparattar bóligin turaqty damý salasyndaǵy úzdik halyqaralyq praktıkalarǵa sáıkes etip daıyndaý.
Qujatta ázirlengen jyldyq esep jetekshi salalyq kompanııalardyń esepterin daıyndaý jónindegi praktıkalarǵa sáıkes kelýi jáne Akıonerlik Qoǵamnyń qyzmetiniń ashyqtyǵyna baǵyttalýy kerek. Jáne sol arqyly ishki jáne syrtqy múddeli taraptar, onyń ishinde áleýetti ınvestorlar tarapynan senimdi arttyrýǵa baǵyttalýy tıis delingen.
Anyqtama úshin: Qarjylyq emes eseptilik – bul kompanııanyń áleýmettik, ekologııalyq, ekonomıkalyq jáne basqa da damý salasyndaǵy qyzmetiniń nátıjeleri men negizgi kórsetkishterin keshendi túrde kórsetetin korporatıvti eseptilik baǵyty.
Áleýetti ónim berýshige qoıylatyn talaptarǵa keletin bolsaq, jyldyq esepti ázirleý «Qazaqtelekom» AQ korporatıvtik basqarý kodeksiniń barlyq talaptaryna, «Samuryq-Qazyna» AQ talaptaryna jáne BUU-nyń Turaqty damý salasyndaǵy maqsattaryna, sondaı-aq jetekshi halyqaralyq kompanııalardyń qarjylyq emes eseptilik standarttarynyń talaptaryna sáıkes kelýi tıis.
Esep qarjy jyly ishinde AQ qyzmetiniń damýy men tıimdiligin taldaýdy kórsetý kerek jáne tıimdiliktiń negizgi qarjylyq (jáne basqa) kórsetkishterin talqylaýdy qamtýy qajet. Sondaı-aq, esepte: uıymnyń negizgi mańyzdy oqıǵalary, onyń damýy, ǵylymı-zertteý jumystary men jańalyqtary, óz akııalaryn satyp alý týraly aqparat jáne basqa da eńbekteri kórsetilýi kerek.
Eseptiń dızaın-tujyrymdamasy fırmalyq stıl elementterin jáne korporatıvtik brendbýk talaptaryn eskere otyryp, fotosýretter, ıllıýstraııalar, ınfografıka jáne basqa vızýaldy elementterdi paıdalana otyryp, úsh tilde (orys, qazaq, aǵylshyn) ıaǵnı, prezentaııa úsh nusqada daıyndalýy shart delingen.
Qarapaıym tilmen aıtqanda, «Qazaqtelekom» AQ óz uıymynyń sapaly jańa úlgidegi prezentaııasyna 25 mln. teńge jumsamaq. Sýper - prezentaııany ázirleý proesine mindetti túrde derekterdi jınaý jáne taldaý, mátindi daıyndaý jáne aýdarý, MS PowerPoint jáne Adobe Photoshop/INDD formatyndaǵy úsh tildegi elektrondyq maket jáne sońǵy ınteraktıvti nusqa kiredi.
Budan basqa, bastapqy kezeńde qarjylyq emes eseptilik standarttarynyń (GRI Standards, SASB, IIRC) negizgi qaǵıdattary boıynsha korporatıvtik trenıng ótkiziletin bolady. Aıta keteıik, «Qazaqtelekom» AQ qarqyndy silteme jasap otyrǵan barlyq halyqaralyq standarttar týraly ashyq qoljetimdi derek kózderinen tegin bilýge bolady. Dál osy jerde nendeı qyzmet 25 mln. teńge turatyny bizge túsiniksiz.
Bálkim, «Qazaqtelekom» AQ shynymen jańa sýper-prezentaııaǵa asa muqtaj shyǵar?! Al halyq bolsa «Qazaqtelekom» AQ-nyń sapaly qyzmetine muqtaj ekenin kúnde estip, kórip júrmiz.
Ashat Ahmedııar
