Aıtysker aqyn Qazyret Berdihan óziniń áleýmettik jelidegi paraqshasynda Júrsin Ermannyń jaǵdaıy týraly habardar etti, - dep jazady “Adyrna” ulttyq portaly.
Onyń sózinshe, Júrsin Erman bir jyldan asa ýaqyt otyrǵan arbasynan turǵan.
"Búgin erekshe qýanyshty kún boldy. Ádettegideı Júrsin aǵamyzdy dárigerine aparýǵa úıine bardym. Sóıtsem, kókemiz esik aldyna shyǵyp kútip tur. Arbasy joq. Qolynda taıaǵy ǵana. Qýanyp kettim. Sol arbanyń serik bolǵanyna bir jyldan asyp edi. Aqyry keregi bolmaı qaldy. Aıaqqa turdy, eldiń batasy qabyl boldy degen osy shyǵar! Buıyrsa osy fototdaǵydaı ortamyzda kúlip júriýdi násip etsin!!!" - dep jazdy aıtysker Qazyret Berdihan.
Jeli qoldanýshylary bul jańalyqqa qýanyp, Júrsin Ermanǵa amandyq tiledi.
"Jaqsy jańalyq eken", "Qazeke qudaı qýat bersin ár ekeýińizge de!!!", "Allaǵa shúkir! Kókemiz til-kózden aman bolsyn!", "Allaǵa myń da bir shúkir, Alla qýat bersin, Aǵa! Aman bolyńyz!", "Pah, shirkin! Qazeke baýyrym bir qýanttyń! Jaratqan jar bolsyn Qazaqtyń Júrsinine", - dep jazdy olar.
