Ötken jyly prokuratura elordalyq memlekettık käsıporny men «Almatymetroqūrylys» AQ-nyŋ lauazymdy tūlǧalaryna qatysty biudjet qarajatyn ūrlau faktılerı boiynşa tergeudı aiaqtady, - dep habarlaidy “Adyrna” tılşısı Bas kölık prokuraturasyna sılteme jasap.
Bas kölık prokuraturasy 2023 jylǧy jūmys qorytyndysy turaly aitty. Prokurorlardyŋ küşımen memleketke 53 milliard teŋgeden astam mülık qaitaryldy.
«Ötken jyly Almaty metropolitenın salu kezınde 5 mlrd teŋgeden astam biudjet qarajatyn ūrlau jäne jalǧan şot-fakturalardy beru faktılerı boiynşa «Metropoliten» memlekettık käsıporny, «Almatymetroqūrylys» AQ lauazymdy tūlǧalaryna jäne basqa da tūlǧalarǧa qatysty tergeu aiaqtaldy. Qylmystyq ıs materialdary sotqa joldandy», - dedı prokuraturada.
Memlekettık keden qyzmetı de Qytaimen
şekarada elektrondy kezektıŋ engızıluıne bailanysty jük tiegen jük kölıkterınıŋ keptelısı oryn alǧanyn habarlady. Şekaradaǧy şielenıs ünemı käsıpkerlerdıŋ şaǧymdaryn tuǧyzdy.
Prokuraturanyŋ üilestıru şaralary keden beketterındegı ötkızu mümkındıgın 4 esege («Nūr-Joly» beketı, «Qorǧas» ŞYHO) ūlǧaityp, tauarlardy jetkızu merzımın ekı aidan 10 künge deiın qysqartty.
Prokuraturanyŋ talaby boiynşa Bäsekelestıktı qorǧau jäne damytu agenttıgı «Eir Astana» äue kompaniiasynda tekseru jürgızıp, nätijesınde janarmaiǧa qosymşa aqy biletter qūnynan alynyp tastaldy. Kompaniia da aiyppūl türındegı äkımşılık jauapkerşılıkke tartyldy.
Prokuraturanyŋ talaby boiynşa äkımdıkter Almaty, Şymkent, Astana jäne Türkıstan qalalarynyŋ aerodrom aumaqtaryndaǧy stihiialyq poligondardy joidy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz