Qazaqstanda joldardy basqaratyn «Qazavtojol» ūlttyq kompaniiasynyŋ Jambyl oblystyq filialynyŋ üş şeneunıgı qamauǧa alyndy. Olar Qyrǧyzstanmen şekaradaǧy «Qordai» baqylau-ötkızu beketınıŋ qūrylysy kezınde 194 million teŋgeden astam (434 myŋ dollar) ūrlyq jasady degen küdıkke ılındı, dep habarlaidy "Adyrna" ūlttyq portaly Sybailas jemqorlyqqa qarsy ıs-qimyl agenttıgınıŋ baspasöz qyzmetıne sılteme jasap.
«Sottyŋ sanksiiasymen barlyq küdıktıler: «Qazavtojol» filialy direktorynyŋ orynbasary, merdıgerdıŋ ökılı jäne tehnikalyq qadaǧalau sarapşysy qamauǧa alyndy», - delıngen habarlamada. Istıŋ basqa mälımetterı, qamauǧa alynǧandardyŋ aty-jönı habarlanbaidy. 2020 jyly "Qordai" ötkızu punktı keŋeitılıp, qaita jaŋartyldy. Jūmystar bır jylǧa sozyldy, olardyŋ qūny 5,2 mlrd teŋgenı ($11,6 mln) qūrady. Tapsyrys beruşı "Qazavtojol", al bas merdıger — "DorStroi"JŞS boldy. Nätijesınde, punkttıŋ ötkızu qabıletı täulıgıne bır-ekı jarym myŋ avtomobilge deiın östı. Aita keteiık, Qazaqstandyq jolşylar atyşuly sybailas jemqorlyq ısterıne bırınşı ret qatysyp otyrǧan joq. 2019 jyly "QazAvtoJol" Maŋǧystau oblystyq filialynyŋ direktory men onyŋ orynbasary öŋırde avtojol salu kezınde 500 mln teŋge ($1,3 mln) kölemınde para alǧany üşın sot olarǧa alty jylǧa bas bostandyǧynan aiyru jazasyn taǧaiyndady."Adyrna" ūlttyq portaly
Ūqsas jaŋalyqtar
