Batys Qazaqstan oblysynda jol apaty bolyp, saldarynan 12 adam zardap şegıp, üş adam qaza tapty, dep habarlaidy "Adyrna" ūlttyq portaly "Moi gorod" saityna sılteme jasap.
"7 qaŋtarda saǧat 13.30-da Bäiterek audany Iаnaikino auylynyŋ maŋyndaǧy Oral-Atyrau tas jolynda Chevrolet Nexia jäne Toyota Ipsum avtomobilderı soqtyǧysqan. Apat saldarynan ekı jürgızuşı men 1 jolauşy qaza tapty. Barlyǧy 12 adam zardap şektı, altauy - balalar", - delıngen habarlamada. 1956 jäne 1988 jyly tuylǧan er adamdar men 1953 jyly tuǧan äieldıŋ qaza tapqany anyqtaldy. "Alty bala oblystyq köpsalaly balalar auruhanasyna jetkızıldı. 14 jasar bala auyr jaǧdaida reanimasiiada. 17, 15, 10, 10, 3 jastaǧy qyzdar travmatologiia bölımıne jatqyzyldy. Eresekter oblystyq köpsalaly auruhanaǧa jetkızıldı. 18 jastaǧy qyz neirohirurgiialyq bölımge, 22 jastaǧy qyz hirurgiialyq bölımge jatqyzyldy. Därıgerler olardyŋ jaǧdaiyn ortaşa auyrlyq därejesı retınde baǧalaidy. 34 jastaǧy äiel ambulatoriialyq emdeluge jıberıldı", - dedı vedomstvodan. QR QK 345-baby (Jol qozǧalysy erejelerın būzu) boiynşa sotqa deiıngı tergeu bastaldy."Adyrna" ūlttyq portaly
Ūqsas jaŋalyqtar
