«Balapan basyna, turymtaı tusyna» jaǵdaı oryn alǵan «Eski Qazaqstannyń» Elbasızm kezindegi bılik júıesi qazaq qoǵamyna «ala qoıdy bóle qyrqý» prınıpin ómirge ákelip, shyryldaǵan shyndyq úshin kúreskenderdiń «bir eli aýzyna tórt eli qaqpaq» qoıǵyzǵany jasyryn emes.
Endi el saılaǵan Memleket basshysy osy eski júıe ornyqtyrǵan tártip pen bassyzdyqtyń túp tamyryna balta shabý úshin birsypyra jumystar atqaryp jatyr. Buryn úni shyqpaıtyn jurt endi kóńildegi túıtkilderin Prezıdentke ashyq jetkize alatyn boldy.
Jýyrda Abai.kz redakııasyna: «Ulym tereń qaltaly dáý-dókeılerdiń «japtym – jala, jaqtym kúıe» áreketiniń kesirinen jazyqsyz sottalyp ketti», - dep shyp-pyr bolǵan ata-ana keldi. Prezıdent Toqaevtyń atyna arasha surap jazǵan úshbý hattaryn kóteri kelipti.
Ashırhan Seıdazov pen Kamılanyń Nýrmahanova balasy Ernar Seıdazovqa Almaty qalasy Alataý aýdandyq soty men Almaty qalasy qylmystyq ister jónindegi alqasy «BI-GROUP» holdınginiń enshiles kompanııalary – «Kaspako» jáne «Bi Global» JShS-da zańsyz jasalǵan qujattardyń negizinde oryn alǵan zańsyz áreketterine kúıinip, ulynyń osy kásiporyndarda 2 aı ǵana jumys istep, aıaq-astynan «96 000 000 (toqsan alty mıllıon) teńgeniń materıalyn urlap ketipti» degen jalǵan aıyppen 8 jylǵa sottalyp ketkenine arasha suraıdy.
«BI-GROUP» holdınginiń enshiles kompanııalary – «Kaspako» jáne «Bi Global» JShS-niń jeke aqshasy bolsa bir sári, biraq memlekettiń tapsyrysymen memlekettiń qarjysyna memlekettik mektepter salynyp jatqanyn Almaty qalasy Alataý aýdandyq soty men Almaty qalasy qylmystyq ister jónindegi alqasy múlde elmegen. Ldetaev, Arystanbekov degen qyzmetkerler jalǵan kýá bolyp, Ernar Seıdazovtyń moınyna «Kaspako» jáne «Bi Global» JShS-niń basshylyǵy jymqyrǵan aqshany kózboıaýshylyqpen arta salǵan. Ádilettik úshin shyryldaǵan ananyń zaryna kim qulaq asady?
Osy bir kúıingen ananyń janaıqaıyn Abai.kz oqyrmandarynyń talqysyna hám El basshylyǵynyń nazaryna nazaryna usynyp otyrmyz!
Sýret Aqorda saıtynan alyndy
Qazaqstan Respýblıkasynyń
Prezıdenti Qasym-Jomart Toqaevtyń nazaryna!
Qurmetti Qasym-Jomart Kemeluly!
Sizden Almaty qalasy sottaryndaǵy zańsyzdyq pen ádiletsizdikke tosqaýyl qoıyp, sottardyń memleket qarjysyna qurylystar salyp jatqan BI-GROUP holdınginiń fılıaldaryndaǵy qarjylyq zańdardyń dóreki buzylýyna kóńil bólmeı, zańsyz, ádiletsiz shyǵarǵan sot aktileriniń kúshin joıýǵa yqpal etýińizdi suraımyz
Almaty qalasy Alataý aýdandyq soty men Almaty qalasy qylmystyq ister jónindegi alqasy BI-GROUP holdınginiń enshiles kompanııalary «Kaspako» jáne «Bi Global» JShS-da zańsyz jasalǵan qujattardyń negizinde meniń balam Seıdazov Ernar Ashırhanulyn 8 jylǵa sottap jiberdi.
Almaty qalasynyń sottary BI-GROUP kompanııalaryndaǵy oryn alǵan zańsyzdyqtarǵa, tártiptiń joqtyǵyna, qyzmetkerlerdiń jaýapsyzdyǵyna, ásirese qarjy salasyndaǵy erejelerdiń dóreki buzylýymen jasalǵan qujattarǵa kóz jumyp otyr.
Is boıynsha: «Meniń balam 2 aı ǵana jumys istep, 96 000 000 (toqsan alty mıllıon) teńgeniń materıalyn urlap ketipti. Onyń bir bóligin jumysqa kirmeı turyp-aq urlapty. Materıaldyq jaýapty qyzmetkerler - Ýchaske basshysy (qoıma bastyǵy) men joba jetekshisi materıal kirgen-kirmegenin teksermeı, nakladnoıǵa qabyldap aldym dep qol qoıa beripti. Ol urlanǵan materıal býhgalterlik eseppen ótip, aqshasy tólenip ketipti. Odan soń da urlyq jasala beripti, ony eshkim teksermepti, senip júre beripti. Materıal obektige kirdi me, kirmedi me eshkim qaramapty. Ol urlyqty 5 aıdan keıin ǵana anyqtapty».
Sonda bul ne degen qadaǵalaý joq, ashyq-shashyq qurylys?
Jaýapty qyzmetkerler, qaýipsizdik qyzmeti qaıda qaraıdy?
Jalpy materıaldyq qundylyqtar nege durys esepke alynyp, durys sanalyp, nusqaýlyqqa saı durys alynyp-berilmeıdi?
Álde anyqtalǵany anyqtalyp, anyqtalmaǵany ońdy-soldy shashylyp ketip jatyr ma? Materıaldar qurylys obektilerine jetip jatyr ma? Álde qaǵazben on tonna, al naqty bir tonna kirip, sapasyz qurylystar salynyp jatyr ma?
Suraq kóp...
(Sýrette arasha suraǵan ata-ana)
BI-GROUP holdınginiń qyzmetkerleri bul suraqtarǵa jaýap bere almady. Sebebi, bul BI-GROUP holdıngi fılıaldary qyzmetkerleriniń, burynnan sol jerde tanys-týystyqpen ornyǵyp alǵan mamandardyń aldyn-ala uıymdastyrǵan is-árketiniń nátıjesi dep sanaımyn.
BI-GROUP holdıngi fılıaldaryna eger ol jerde jaqyn tanys-týys bolmasa jumysqa kirý, materıaldyq jaýapty qyzmetke ornalasý múmkin emes eken.
Al esh tanys-týysy joq meniń balamdy aıaq astynan jumysqa alyp, 2 aı ishinde júz mıllıon aqshany moınyna ilip, qalǵan jaýapty adamdar sytylyp ketti. Ol qyzmetkerler nege jaýapqa tartylmady?
Sot ta bul suraqtarǵa jaýap alýǵa tyryspady!
Sizderden shyndyqty anyqtaýdy surap jazyp otyrmyn.
Meniń balam sot úkimimen aıypty dep tanyldy, biraq sot isti ádil, zańdy qaramady, zańsyz úkim shyǵardy.
Zańsyzdyqtyń dáleli sol – meniń balam jumys istemegen kezde joǵalǵan zattardy da meniń balamnyń moınyna júktedi.
Onyń syrtynda joǵalmaǵan, ıaǵnı túgendeý kezinde obektide bar bolǵan zatty da urlady dep sottap otyr.
Zańsyz úkimniń shyǵýyna «Kaspako» jáne «Bi Global» JShS-niń materıaldyq jaýapty tulǵalary men qarjylyq qaýipsizdik bólimi qyzmetkerleriniń zań talaptaryn dóreki túrde buza otyryp jasaǵan qujattary negiz boldy.
Sol qyzmetkerler keltirilgen shyǵynnyń jaýaptylyǵynan óz bastaryn alyp qashý úshin barlyǵyn meniń balam E.Seıdazovtyń moınyna ilýge barlaryn saldy, sol úshin sotpen zańsyz kelisim jasady dep oılaımyn.
(Sýrette BI-Group holdıngi dırektorlar keńesiniń tóraǵasy Aıdyn Raqymbaev)
Sebebi sot:
- «Kaspako» jáne «Bi Global» JShS-niń jasaǵan túgendeý tizimderi (ınventarızaıonnye opısı) QR Qarjy mınıstriniń «Býhgalterlik esepti júrgizý qaǵıdalaryn bekitý týraly» 2015 jylǵy 31 naýryzdaǵy № 241 buıryǵynyń ( QR ÁM-nde 2015 jyly 6 mamyrda № 10954 tirkelgen) Túgendeý júrgizý tártibi týraly 4 taraýynyń 61, 65, 67 tarmaqtaryn óreskel buza otyryp jasalǵanyna;
- túgendeý tizimin jasaýǵa komıssııa múshesi retinde qol qoıǵan qyzmetkerlerdiń sotta ózderiniń túgendeýge qatyspaǵanyn aıtqanyna,
- túgendeý tizimin túgendeýge qatysýǵa bolmaıtyn adamdar jasaǵanyna;
- «Kaspako» jáne «Bi Global» JShS-da býhgalterlik is-qujattardyń qalaı bolsa solaı jasalatynyna, ol qujattar kim kóringenniń, tipti sol mekemelerde jumys istemeıtin adamdardyń qolynda júretinine
- joǵaldy degen materıaldardy ýchaske basshylary qabyldap alyp, býhgalterııa arqyly ótkizip, jetkizýshilerge aqshasyn tólep qoıyp, odan soń ol materıal joǵaldy dep meniń balama jala jaýyp otyrǵanyna;
(Sýrette E.Seıdazov)
- meniń balam E.Seıdazov jumys istemegen kezde joǵalypty degen materıaldy da meniń balamnyń moınyna ilgenine;
- túgendeý tizimi men aýdıt, saraptama jáne sot úkimi boıynsha materıaldar men shyǵyn kólemi boıynsha aıyrmashylyqtarǵa;
- is boıynsha materıaldardyń Jetkizýshi kompanııalardan naqty alynǵan-alynbaǵanyn dáleldeıtin qujattardyń joqtyǵyna
- sotta «Kaspako» jáne «Bi Global» JShS-niń qyzmetkerleri óz qyzmettik mindetteri men bolǵan jaǵdaı boıynsha durys jaýap bere almaı, materıaldardyń joǵalýyna qalaı jol berilgenin túsindire almaǵanyna;
- qyzmetkerlerdiń jumysqa degen jaýapkershiligi joqtyǵyna, óz mindetterine nemquraıly qaraýlaryna;
- prokýratýranyń joǵalmaǵan, túgendeý kezinde bar bolǵan zattardy da aıyptaýǵa kirgizgenine qaramastan ZAŃSYZ úkim shyǵardy.
Bul Zańsyz Úkimniń shyǵýyna sol jaýapsyz qyzmetkerler múddeli boldy, al polıııa, prokýratýra, sýdıalar solardyń yqpalynda ketip otyr dep oılaımyn.
Qurmetti Qasym-Jomart Kemeluly!
Áli de bolsa ádildik, zańdylyq bolady dep úmittenemin!
«Kaspako» jáne «Bi Global» JShS-da jasalǵan jalǵan qujattardyń negizinde Sottyń Zań talaptaryn buza otyryp shyǵarǵan úkimin qoǵam talqysyna salyp, talqylaý úshin jýrnalısterge aqparat berýge májbúr bolyp otyrmyn.
Jáne sottardaǵy ádiletsizdikke, BI-GROUP holdınginiń enshiles kompanııalaryndaǵy talan-taraj ben qarjylyq zańsyzdyqtarǵa baǵa berý úshin Sizge osy hatymdy joldaımyn.
Sotta «Kaspako» jáne «Bi Global» JShS-niń meniń balamnan materıaldy qabyldap alyp, nakladnoılarǵa qol qoıyp bergen Ldetaev, Arystanbekov degen qyzmetkerler «ol materıaldardy kórgen joqpyz, Seıdazovqa senip qol qoıdyq» dep jaýap berdi.
Meniń balamdy buryn tanymaıtyn, bilmeıtin, tanystyq-týystyǵy joq adamdar jumysqa jańa kelgen adamǵa senip, qalaı mıllıondaǵan aqshanyń qujattaryna qol qoıyp bere beredi? Bul jaýapsyzdyq pa? Jaýapsyzdyq!
Jáne osy jaýapsyzdyqty Sot ol qyzmetkerler úshin qalypty jaǵdaı dep sanady eken. Olardyń sotta aıtqan: «Biz bir-birimizge senip, teksermeı jumys jasaı beremiz», - degenine sene saldy. Bul sybaılasyp qylmys jasaýǵa jol ashý dep sanaımyn!
Eger ol olardyń jeke aqshasy bolsa bir sári, biraq memlekettiń tapsyrysymen memlekettiń qarjysyna memlekettik mektepter salynyp jatqanyn sot múlde elmedi. Memlekettiń aqshasy ońdy-soldy shashylyp jatqan joq pa? Talan-tarajǵa túsip jatqan mektep qurylystarynyń sapasy qandaı? degen suraqtar qoıylmady.
Sizge advokattyń jazǵan apellıaııalyq shaǵymyn joldaımyn.
Shaǵymda «Kaspako» jáne «Bi Global» JShS-niń qyzmetkerleriniń býhgalterlik esep boıynsha qandaı zańdardy buzyp qujattar jasaǵany, sotta qandaı jaýap bergeni, jalpy osy eki mekemede jumystyń qalaı júretini týraly tolyq sıpattalǵan.
(Sýrette Sabazbekova Gýlmıra Mýhanbaevna - advokat)
Osy jaǵdaılar Almaty qalasy Alataý aýdandyq sotynda da, Almaty qalasynyń apllıaııalyq alqasynda da aıtyldy. Advokattyń 14-betke jazǵan apellıaııalyq shaǵymynda kórsetilgen pikirler men ýájdemelerge apellıaııalyq satynyń sýdıalary eshqandaı baǵa bermeı, bar joǵy 3 bettik qaýlyda «isti qaıta qaraýǵa negiz joq» dep pikir bildire saldy.
Al zańdylyqty qadaǵalaýǵa tıis prokýratýra organynyń qyzmetkerleri ózderi qylmystyq-proestik kodekstiń talaptaryn dóreki buza otyryp, advokattyń is materıaldary boıynsha pikirin qaramaı, jaýap bermeı, 6 tomdyq qylmystyq ispen jarty kúnde tanysyp sotqa joldap, odan soń sotta negizsiz aıyptaý aktilerin 4 ret qaıta-qaıta túzetip sotqa tapsyryp, advokattyń zań normalarynyń buzylýyn anyqtap kórsetip bergenine qaramastan jalǵan dáleldemelerge negizdelgen aıyptaý aktisin qoldap otyr.
Men bul iste sybaılas jemqorlyq bar bolýy múmkin dep sanaımyn, sebebi BI-GROUP holdınginiń fılıaldary «Kaspako» jáne «Bi Global» JShS-niń qarjylyq qujattaryna jaýapty qyzmetkerleri ózderiniń zańsyzdyqtary men kemshilikterinen jaltarý úshin meniń balam E.Seıdazovty aıyptap, oǵan bar jaýapkershilikti artý úshin quqyq qorǵaý, prokýratýra jáne sýdıalarmen zańsyz kelisim jasamasa, osynsha zańsyzdyqqa jol berilmes edi.
Sol sebepten de zańsyz, jalǵan dáleldemelerdi sot qabyldap, ádiletsiz úkim shyǵardy dep sanaımyn.
Sot jáne prokýratýra organdaryna senimim qalmady, olarǵa sene almaımyn.
Sizge Qazaqstan Respýblıkasy azamattarynyń ómiri men bostandyǵynyń kepili retinde osy aryzben júginip otyrmyn.
Meniń balam E.Seıdazovqa qatysty qylmystyq is boıynsha oryn alǵan zańsyzdyqtardy ashýǵa jáne ádil, zańdy sheshimge qol jetkizýge, isti qaıta qaraýǵa, zańsyz úkimniń kúshin joıýǵa yqpal jasaýyńyzdy suraımyn.
Ata-ana jáne qoǵamdyq qorǵaýshy Kamıla Nýrmahanova, Ashırhan Seıdazov
