Biyl Qaŋtar oqiǧasyna 2 jyl toldy. Sūiytylǧan gazdyŋ kenetten qymbattauyna bailanysty bastalǧan narazylyq şaralary 2022 jyldyŋ 2 qaŋtarynda bastau alǧan edı. Būl oqiǧalar täuelsız Qazaqstannyŋ 30-jyldyq tarihyndaǧy eŋ qarqyndy ärı qatal qaqtyǧysqa ainaldy.
Halyq qala jäne oblys äkımderınen baǧany tūraqtatudy jäne kögıldır otynnyŋ tapşylyǧyn joiudy talap ettı. Būl talaptar oryndalmaǧasyn narazylyq şaralary kelesı künı de jalǧasyn tapty. 4 qaŋtar künı Qazaqstan ükımetı Maŋǧystau oblysyndaǧy sūiytylǧan gazdyŋ baǧasy litrıne 50 teŋgege deiın tömendetılgenın mälımdedı. Al prezident Qasym-Jomart Toqaev Qazaqstan halqyna ündeu jariialap, zaŋsyzdyqty boldyrmaudy sūrady.
Jaŋaözen qalasynda bastalǧan şeru keiınnen Almaty, Aqtöbe, Aqtau, Atyrau, Qaraǧandy, Astana, Şymkent, Kökşetau, Oral jäne taǧy da basqa qalalarda jalǧasty. Halyq köşege şyǧyp, ekonomikalyq talaptarmen qosa saiasi özgerısterdı talap ete bastady. Bastapqyda beibıt bastalǧan narazylyq şaralary artynan qaruly qaqtyǧystar men tonauşylyqqa ūlasty. 5 qaŋtarda bastalǧan tärtıpsızdıkter resmi deŋgeide memlekettık töŋkerıs dep ataldy.
Qaŋtar qyrǧyny kezınde Memleket basşysy Qasym-Jomart Toqaev Ūjymdyq qauıpsızdık turaly şart ūiymy basşylarynan kömek sūraǧanyn mälımdedı. 10 qaŋtarda ŪQK tärtıpsızdıkter kezınde basyp alynǧan barlyq äkımşılık nysannyŋ qaitarylǧanyn, eldegı jaǧdaidyŋ tūraqtalǧanyn mälımdedı.
11 qaŋtarǧa deiın tärtıpsızdıkke qatysyp, qamauǧa alynǧan adamdardyŋ sany 10 myŋǧa juyqtady. Tonauşylyq pen būzaqylyqtyŋ saldarynan käsıpkerlerge keltırılgen şyǧynnyŋ mölşerı 100 milliard teŋgeden asty. Oqiǧa boiynşa jalpyūlttyq aza tūtu künı jariialandy.
Bas prokuratura 238 adam qaza tapqanyn mälımdedı. Resmi mälımetterge süiensek, jappai tärtıpsızdık boiynşa 1205 adam sottalyp, 1095 adamǧa raqymşylyq jasalǧan. Qaiǧyly jaǧdai kezınde 19 zaŋ oryndary qyzmetkerı qaitys bolyp, 3 myŋnan asa polisiia jäne äskeri qyzmetker jaraqat alǧan.
Qaŋtar oqiǧasy kezınde Almatyǧa 20 myŋ «terrorist» şabuyl jasalǧany da aityldy. Alaida būl aqparat däleldenbedı.
Biyl, 3 qaŋtarda Qasym-Jomart Toqaev «Egemen Qazaqstan» gazetıne bergen kölemdı sūqbatynda Qaŋtar oqiǧasy turaly da söz ettı. Aituynşa, qasırettı jaǧdaiǧa jyldar boiy qordalanǧan äleumettık-ekonomikalyq problemalar, jalpy toqyraudyŋ bilık pen qoǧamdy azdyryp-tozdyruy sebep bolǧan.
«Sol kezdegı ahual öte kürdelı boldy, elımız qūrdymǧa ketuge şaq qaldy. Būǧan jol bermeu üşın barlyq ıs-ärekettı kündız-tünı jäne saǧat saiyn tıkelei özım baqylap otyrdym. Işkı ıster ministrlıgı arqyly Aqorda rezidensiiasyna türlı şabuyl jasalǧaly jatyr, soǧan jük kölıkterı paidalanylady degen aqparat jettı. Maǧan bas sauǧalap, rezidensiiadan ketu, tıptı şetel asu turaly ūsynys bırneşe ret aityldy. Bıraq men būǧan üzıldı-kesıldı qarsy boldym. Teledidar arqyly jasaǧan mälımdemelerımnıŋ bırınde qandai jaǧdai bolsa da jūmys ornymda qalatynymdy aşyq aittym. Ekı apta boiy tapjylmai, Aqordada boldym, kün-tün demei, şūǧyl jinalystar ötkızdım. Sol alasapyran künderde memleketımızdı saqtap qalu, eldegı zaŋ men tärtıp üstemdıgın qalpyna keltıru eŋ basty mındet edı»,—dedı ol.
Ūqsas jaŋalyqtar
