Adyrna ūlttyq portalynda «Pavlodar oblysy 135 171 812 teŋgege 2 162 749 dana qaraǧai köşetın satyp almaq» (sılteme: https://adyrna.kz/post/178798 ) degen taqyryppen material jariialanǧan edı. Sol maqalaǧa qatysty tuyndaǧan sūraqtarǧa Pavlodar oblysynyŋ jer qoinauyn paidalanu, qorşaǧan orta jäne su resurstary basqarma basşysynyŋ orynbasary S. Töleutaev jauap berdı, - dep habarlaidy Adyrna ūlttyq portaly.
Adyrna: Pavlodar oblysynyŋ memlekettık satyp alu basqarmasy qaraǧai köşetterınıŋ är danasyn 62,5 teŋgege qandai negızge süienıp baǧalap otyr?
Basqarma: Aǧaş ekpelerın konkursqa şyǧarar aldynda, ärbır aǧaş ekpelerın ösıretın ūiymdardan kommersiialyq ūsynystar alynady. Aǧymdaǧy jyly kädımgı qaraǧai köşetınıŋ bır bırlıgınıŋ QQS eseptemegendegı baǧasy 62,5 teŋge, QQS eseptegende bır bırlıktıŋ baǧasy 70 teŋgenı qūrady.
Adyrna: Körsetılgen aumaqqa 2 162 749 köşet egılgenın qalai baqylaidy? Ony baqylau üşın arnaiy komissiia qūrylǧan ba?
Basqarma: Orman daqyldaryn tehnikalyq qabyldaudy ötkızu jūmystary Qazaqstan Respublikasy Auyl şaruaşylyǧy ministrınıŋ (2014 jylǧy 22 jeltoqsandaǧy № 18-02/681) «Ormandardy molyqtyru men orman ösıru jäne olardyŋ sapasyna baqylau jasau qaǧidalaryn bekıtu turaly» būiryǧyna jäne «Qazaqstan ormanşysynyŋ anyqtamalyǧy, Astana 2012 j.» anyqtamalyǧyna säikes jürgızıledı. Joǧaryda atalǧan būiryq pen anyqtamanyŋ negızınde komissiia qūrylady jäne köşetter egılgen aumaqtarda tehnikalyq qabyldau jäne baqylau jūmystary jürgızıledı.
Adyrna: Köşetterdıŋ önıp, jersınıp ketuıne kım kepıldık beredı?Basqarma: Memlekettık orman qory aumaǧynda orman daqyldaryn otyrǧyzudy mekemenıŋ orman küzetı qyzmetkerlerınıŋ küşımen jürgızedı. Memlekettık mekemeler orman daqyldarynyŋ ömır süruıne jauap beredı. Alaida, aita ketetın jaǧdai, ekpe aǧaştardyŋ jersınuıne eŋ basty äser etetın faktor ol aua-raiynyŋ qolaily boluy. Aǧymdaǧy jyly aua-raiynyŋ qatty ystyq jäne jauyn-şaşynnyŋ bolmauyna bailanysty otyrǧyzylǧan jas ekpe aǧaştarynyŋ jersınuı edäuır qiynǧa tüstı.
Adyrna: 2 millionnan astam köşetterdıŋ tolyqtai egılgenın qalai däleldeisızder?
Basqarma: Tehnikalyq qabyldau aktılerınıŋ negızınde barlyq ormanşylyq boiynşa jiyntyq vedomost ekı danada jasalady, olardyŋ bıreuı memlekettık mekemenıŋ komissiiasyna jıberıledı, al ekınşısı jobalarmen jäne aktılermen bırge ormanşylyq ısterınde saqtalady.
Memlekettık mekeme komissiiasynyŋ ormanşylyqtyŋ kışı komissiialary ūsynǧan materialdardyŋ dūrystyǧyn ormanşylyq boiynşa jūmystardyŋ jalpy kölemınıŋ kemınde 5% tekseruge qūqyǧy bar. Būdan ärı komissiia ormanşylyqtan tüsken barlyq materialdardy jinaqtaidy, tehnikalyq qabyldau qorytyndysy boiynşa şeşım şyǧarady.
Komissiia şeşımınıŋ hattamalaryn memlekettık mekemenıŋ basşysy bekıtedı, odan keiın jalpy memlekettık mekeme boiynşa orman ekpelerın tehnikalyq qabyldaudyŋ jiyntyq vedomosy jasalady. Ekpelerdı tehnikalyq qabyldau aktılerı olardy orman ekpelerın esepke alu kıtabyna engızu üşın negız bolyp tabylady.
Sonymen qatar, atalǧan ıs-şaralar Qazaqstan Respublikasynyŋ (2003 jylǧy 8 şıldedegı N 477) Orman Kodeksınıŋ 5 tarmaǧynyŋ 13 babyna säikes uäkılettı organ qūzyretıne, sondai-aq «Pavlodar oblysy orman jäne januarlar düniesın qorǧau inspeksiiasy» RMM-ı, orman qorynyŋ jai-küiine, küzetiluine, qorǧaluyna, paidalanyluyna, ormandardyŋ molyqtyryluy men orman ösiruge memlekettık baqylau men qadaǧalaudy tekseruler arqyly jüzege asyrady.
Qanat Bırlıkūly,
“Adyrna” ūlttyq portaly
