Ресей президенті Владимир Путиннің жаңа жылдық құттықтауы қайта жазылмады. Бұл туралы Ресей президентінің баспасөз хатшысы Дмитрий Песков жариялады, деп хабарлайды “Адырна” ұлттық порталы.
«Жоқ, бұл дұрыс емес», - деді ол құттықтаулар жаңадан жазылғаны туралы РИА Новости басылымына түсініктеме беріп.
Песков осы аптаның басында Путиннің жаңа жылдық құттықтауының егжей-тегжейлерін айтудан бас тартып, ресейліктерді Жаңа жыл қарсаңындағы үндеуінің мазмұнын ұғынуға шақырды.
Өткен жылы Путиннің ел халқына тоғыз минуттық жаңа жылдық үндеуі әдеттегідей Кремль фонында емес, Оңтүстік әскери округінің штаб-пәтерінде әскери қызметкерлердің қоршауында жазылған. Сол кезде Президент бұл жыл еліміздің толық егемендігін алу жолындағы маңызды қадамдар, «шынайы бетбұрыс және тағдырлы оқиғалар» кезеңі екенін айтты.
Желтоқсанның 14-і күнгі тікелей эфирде Путин ресейліктерге жаңа жылдық мерекелерді отбасымен бірге өткізуге кеңес берді. Мереке күндері көптеген іс-шараларды табуға болатынын, ең бастысы, отбасымен және достарымен уақыт өткізуге болатынын атап өтті. Кейін Путиннің өзі Жаңа жылды жақындарымен бірге шампан ішіп қарсы алатынын айтты.
