Almaty oblysynyŋ turizm basqarmasynyŋ 2023 jyly jürgızgen jūmystary boiynşa qorytyndysy
Özderıŋız bıletındei, Almaty oblysy jyldan jylǧa özınıŋ bıregei jäne tarihi maŋyzdy oryndarymen köp turisterdı özıne baurap, qabyldauda. Atap aitqanda, Almaty oblysynyŋ turistık äleuetın «Ile-Alatau», «Şaryn», «Kölsai kölderı» memlekettık ūlttyq tabiǧi parkterı, Qapşaǧai su qoimasy, Balqaş kölı, «Taŋbaly» mūrajai-qoryǧy, Talhiz qalaşyǧy, Almaty tau klasterı jäne basqa da maŋyzdy körıktı jerlerımen elıktıredı.
Qazaqstandyqtar özderınıŋ bos uaqyttaryn ötkızu üşın elımızdıŋ körıktı jerlerın jiı taŋdau tendensiiasy baiqalady jäne sonyŋ ışınde bızdıŋ oblystyŋ ädemı tabiǧatyn demalys ötkızuge taŋdaǧany bız üşın ülken maqtanyş.Älemde sifrlyq industriianyŋ damuy nätijesınde Almaty oblysynyŋ körıktı jerlerı şeteldık turisterdı de köbırek tarta bastady. Öz kezegınde, ötken jyly keluşılerdıŋ aǧynynyŋ köbeiuımen jäne tursiterge qolaily jaǧdai jasau maqsatynda Qaiyŋdy, Kölsai kölderı, Şaryn şatqaly aumaǧynda jedeldetılgen infraqūrylymdyq jöndeuler jasalyndy.
Ötken jyly Almaty oblysynyŋ turizm basqarmasy Almaty oblysynyŋ turistık äleuetın arttyru jäne aqparattandyru boiynşa jūmystar jürgızıp, qajettı infraqūrylym qūryldy, oblystyŋ turistık klasterın qalyptastyruǧa, ışkı jäne syrtqy turistık naryqta oŋ imidj qalyptastyruǧa, turizm salasynda körsetıletın qyzmetterdıŋ sapasyn arttyruǧa baǧyttalǧan bırqatar ıs-şaralar ūiymdastyryldy. Sonymen qatar, älemdık täjıribede turisterdı tartu jäne damytu täjıribesıne säikes «Visit Alatau» Almaty oblysynyŋ jaŋa turistık brendı bekıtıldı.
Turizm basqarmasy öz qyzmetın turistık damudyŋ bes negızgı baǧyty boiynşa jüzege asyrady:
- turistık ıs-şaralarǧa qatysu jäne öŋırdegı turistık saiasatty aiqyndau;
- turistık infraqūrylymdy damytu;
- öŋırdıŋ turistık salasyna investisiialar tartu boiynşa jergılıktı jäne şeteldık investorlarmen jūmys;
- turistık qyzmet salasyna taldau jürgızu, strategiialyq qūjattarda körsetılgen indikatorlarǧa monitoring jürgızu jäne turoperatorlarǧa lisenziia beru;
- infraqūrylymdy damytu üşın jaǧdai jasau, onyŋ ışınde subsidiialar bölu jönındegı komissiialardy ötkızu - dep atap öttı Almaty oblysy turizm basqarmasynyŋ basşysy Aibar Temenov.
Būdan basqa, Kölsai kölderınıŋ aumaǧyndaǧy turistık aǧymdy retteu jäne ūsynylatyn servistıŋ sapasyn arttyru maqsatynda ūlttyq park janyndaǧy avtotūraqtardy, qoǧamdyq tamaqtandyru oryndaryn jäne sauda düŋgırşekterın auystyru jönınde şaralar qabyldanuda. Sondai-aq turistık destinasiiada körsetıletın qyzmetterge aqy töleu ädısterın jüieleu, onyŋ ışınde tölemnıŋ bıryŋǧai jäne bekıtılgen nysanyn engızu jürgızılude. Qabyldanǧan şaralar sözsız öŋırdıŋ oŋ imidjın qalyptastyruǧa mümkındık beredı.
Almaty tau klasterınde injenerlık infraqūrylymdy qūru jönındegı normalar bolmaǧandyqtan, äkımdık memlekettık ūlttyq tabiǧi parkterdıŋ aumaǧynda ornalasqan turizm obektılerıne injenerlık infraqūrylymdy jürgızu jönındegı normalary körsetılgen zaŋnamaǧa özgerıster engızu turaly mäselenı bırneşe ret köterdı. Almaty oblysynyŋ turizm basqarmasy QR Mädeniet jäne sport ministrlıgımen bırlesıp, keibır zaŋdarǧa, onyŋ ışınde Biudjet kodeksıne, injenerlık infraqūrylymdy turistık obektılerge jetkızuge mümkındık beretın «Jergılıktı memlekettık basqaru jäne özın-özı basqaru turaly», «Turistık qyzmet turaly» zaŋdarǧa tiıstı özgerıster men tolyqtyrular engızu boiynşa boiynşa ülken jūmys jürgızude.
İnvestisiialardy tartu maqsatynda äleuettı investorlarǧa tūraqty negızde memlekettık-jekeşelık ärıptestık şeŋberınde özara ıs-qimyl ūsynylady. Äkımdık tarapynan jer uchaskesı berıletın jerde qajettı infraqūrylym (jol, elektr, kärız jäne t.b.) jürgızıledı. Būdan basqa, nysan paidalanuǧa berılgennen keiın turistık nysannyŋ qūrylysyn 10% mölşerınde subsidiialau közdelgen (Qazaqstan Respublikasy Mädeniet jäne sport ministrınıŋ 2021 jylǧy 31 jeltoqsandaǧy № 415 būiryǧy). Almaty oblysy boiynşa turizm salasyndaǧy negızgı kapitalǧa investisiialar kölemı 39,9 mlrd. teŋge, būl respublika boiynşa ekınşı körsetkış bolyp tabylady.
Jürgızılgen jūmystar turaly aitatyn bolsaq, mynalar erekşelenedı:
- Biyl alǧaş ret «ALMATYREGION.TRAVEL» - mobildı qosymşa ıske qosyldy. Būl oblystyŋ turistık äleuetı, tabiǧi, tarihi, mädeni turizm obektılerı turaly qajettı aqparatty qazaq, orys jäne aǧylşyn tılderınde ala alatyn turister üşın jasalǧan qosymşa.
- Qyzmet körsetudı jaqsartu maqsatynda «Kölsai kölderı», «Ile-Alatau» ūlttyq parkterınıŋ kıru beketterı avtomattandyryldy, onlain tölem jüiesı ıske qosyldy. Turisterdıŋ qauıpsızdıgın qamtamasyz etuge baǧyttalǧan 10-nan astam beinebaqylau kamerasy ornatyldy.
- Oblys aumaǧynda «Qonaev International balloon fest» halyqaralyq şarlar festivalı, «Oceanman», «Tengri ultra», Ūly dala marafony, Ile-Balqaş regatasy ötkızıldı.
- «Moto-parad», Djipers-Şalkode, «Shamal» jäne t. b. siiaqty bırqatar ıs-şaralardy ötkızuge kömek körsetıldı.
- Biyl öŋır üşın eko-etno jäne agro-turizm siiaqty turizmnıŋ jaŋa türlerı qarqyndy damydy.
- Turistık qyzmetterdıŋ jaŋa baǧyttary qalyptasty: Eŋbekşıqazaq audanynda, Raiymbek jäne Kegen audandarynda, Baianköl şatqalynda, Tūzköl kölınde, Qarqaraly jailauynda, Tekes sarqyramasynda, Han Täŋırı şyŋyn eskere otyryp, Bestöbe su qoimasynda ornalasqan jüzımdıkter men şarap zauyttaryna baru, Balqaş kölınde balyq aulau, trofeilık aŋ aulau.
- Būdan basqa, Assy, Baianköl, Şaryn, Qara şatqaldarynda ekologiialyq kemping jäne glemping aimaqtaryn salu, ūlttyq qūndylyqtarymyzdy därıpteitın qazaq üilerınen tūratyn etno-auyldardy aşu boiynşa investisiialyq ūsynystar äzırlenude.
Sonymen qatar, alǧaş ret 2024 jyldyŋ 1 toqsanynda Narynqol auylynda turister üşın jaŋa baǧyt aşu jönınde QHR-men uaǧdalastyqqa qol jetkızıldı. QR men QHR arasynda turizm salasyndaǧy yntymaqtastyq turaly Memorandumǧa qol qoiyldy. Ol öŋırlerdıŋ turistık salasynyŋ äleuetın damytuǧa, turistık baǧyttardy arttyruǧa (jaiau turizm, at turizmı, tau-şaŋǧy turizmı jäne t.b.) baǧyttalǧan.
Būdan basqa, halyqaralyq deŋgeide oblystyŋ turistık äleuetın ılgerıletu boiynşa belsendı jūmys jürgızılude, marketingtık nauqan qorytyndysy boiynşa aqparattyq materialdar «BBC Worldwide» telearnasynda jäne "TripAdvisor" internet-resursynda ornalastyryldy, sondai-aq SITF (Seoul International Travel Fair) 38-şı Halyqaralyq turistık körmesınde Almaty oblysynyŋ stendı «Jaŋaşyldyq jäne şyǧarmaşylyq közqaras üşın» nominasiiasyna jäne Almaty oblysynyŋ Saty auyly «Üzdık turistık auyl 2023 IýNVTO» marapatyna ie boldy!
Almaty oblysynyŋ turizm basqarmasy jūmysynyŋ nätijelerın qorytyndylai kele, öŋırdıŋ infraqūrylymyn, sondai-aq barlyq süiıktı demalys oryndarynyŋ turistık äleuetın damytuda eleulı ılgerıleudı baiqauǧa bolady.
Osylaişa, Almaty oblysyndaǧy demalys – būl jarqyn emosiialarǧa, ūmytylmas sätterge jäne demalystyŋ jaŋa qyrlaryn aşuǧa mümkındık beretın qyzyqty şytyrman oqiǧa. Sızderdı Almaty oblysynyŋ sūlulyǧy kütedı!
«Adyrna» ūlttyq portaly
Ūqsas jaŋalyqtar
