Úzdik shahmatshylar qataryna kirgen jas shahmatshy Elnaz Qalıahmet Azııa chempıonatynan júldemen oraldy, dep habarlaıdy "Adyrna" tilshisi.
Birikken Arab Ámirlikteriniń Al-Aın qalasynda shahmattan Azııa chempıonaty ótti. Bul jarysta qazaqstandyq jasóspirimder 5 medaldy ıelendi.
Dúbirli jarysqa 41 elden 625 shahmatshy qatysyp, baq synasqan. Qazaqstannyń namysyn qorǵap, Almaty oblysynan Elnaz Qalıahmet, Ersultan Qalıahmet, Alıma Ómirserik, Imanǵalı Ahılbaı, Alıhan Nazarbek, Jansaıa Sholpanbek, Ramazan Týlegen qatysty.
12-22 jeltoqsan aralyǵynda ótken tartysty básekede blı túrinen 14 jasqa deıingi kategorııada Azııa chempıonatynyń kúmis júldesin jeńgen qazaqstandyq - Elnaz Qalıahmet.
Azııa chempıonatynda jas shahmatshy Elnaz Qalıahmet kúmis júldeni ıelendi. Shahmatpen aınalysyp júrgenine alty jylǵa jýyq ýaqyt bolǵan oqýshy búginde on úsh jasta. Jastaıynan oıyn tastaryna qyzyqqan Elnaz elimizdegi úzdik shahmatshylar qataryna engen. El namysyn qorǵaǵan jasóspirimdi aeroporttan týǵan-týystary men jankúıerleri kútip aldy.
Azııa chempıonatynda kúmis júldeni ıelengen jeńimpazdyń qýanyshynda shek joq.
"Jarysqa barlyq memleketter qatysty. Jasóspirimder arasynda ótken Azııa chempıonatynda blı boıynsha 2-shi oryndy ıelendim. Bári jaqsy", - deıdi Elnaz Qalıahmet.
Halyqaralyq grossmeıster Anton Fılıppovtyń shákirti Elnaz Qalıahmet ótken aıda Álem chempıonatynyń kúmis júldegeri atanǵan.
