18 jasar aqyl alamanynyń maıtalmany, zerek de zerdeli Bıbisara Asaýbaeva shahmattan álem sammıtinde taǵy top jardy. Zııaty joǵary qazaqtyń zerdeli qyzy Qytaıdyń Sıan shaharynda ótken "Bir belbeý jáne bir jol 2023" týrnırinde ekinshi oryn alyp, kúmis júlde qanjyǵalady, dep habarlady "Adyrna" ulttyq portaly.
Bıbisara Asaýbaeva urpaı jaǵynan ázirbaıjandyq qarsylasymen teń túsip, tek usaq-túıek qosymsha kórsetkishterde úzeńgiles oıynshyǵa jol berip qoıdy. Degenmen onyń jınaǵan upaıy qaıtkende joǵary, ıaǵnı 8,5 upaı.
"Demalys kúnderi Qytaı týrnırinde oı jarystyryp, tartysqa toly oıyn órnegin kórsetip úlgerdim. Qarsylasyma ese jibere qoımadym. Ókinishke qaraı, taı-breık talapta joq bolyp shyqty. Jeńis sanyna qaraı sanamalaǵanda menen qarsylasym sál basym tústi. Enshimde - ekinshi oryn. Qaıtkende keleside jeńgen partııalardy aıaǵyna jetkizýim kerek, - dep túsindirdi Asaýbaeva týrnır jaıyn óziniń "Instagram hıkaıasynda".
Oraıy kelgende aıta keteıik, ótken jyldyń sońyna qaraı Almatyda ótken álem chempıonatynda Bıbisara Asaýbaeva blı baǵytynda ekinshi altyn medalin jeńip alǵan edi. Talaptysy oza shapsa, taqymyn qyzyp otyratyn Qazaq eline Bıbisara alǵysyn jaýdyryp, jeńisimen kópshilikti qýantty.
"Adyrna" ulttyq portaly
