Memleket basshysy Qasym-Jomart Toqaev Ázerbaıjan prezıdentin týǵan kúnimen quttyqtady, dep habarlaıdy "Adyrna" tilshisi Aqordaǵa siltep.
Ilham Álıevpen telefon arqyly sóılesken Qasym-Jomart Toqaev Ázerbaıjan prezıdentin týǵan kúnimen quttyqtap, oǵan zor densaýlyq jáne asa jaýapty qyzmetine tabys tiledi.
Aqordanyń aqparatynsha, Qazaqstan men Ázerbaıjan prezıdentteri eki el halyqtary arasyndaǵy dostyq qatynastar men dástúrli baýyrlastyq baılanystarǵa kóńilderi tolatynyn aıtty. Basshylary Ázerbaıjan prezıdentiniń Qazaqstanǵa sapary kezinde jáne bıyl qarasha aıynda Bakýde ótken SPEKA sammıti aıasynda qol jetkizilgen ýaǵdalastyqtardy júzege asyrý máselelerine nazar aýdardy.
