Esık qalasynda sauda ortalyǧy örtke orandy, dep habarlaidy "Adyrna" ūlttyq portaly.
24 jeltoqsan künı saǧat 03:35-te Almaty oblysy TJD kezekşı bölımıne Eŋbekşıqazaq audanynyŋ Esık qalasynda Frunze jäne Almaty köşelerınıŋ qiylysynda alapat ört bolyp jatqany turaly habarlama tüsken.
Anyqtalǧandai bilbordtar, jihaz satatyn sauda üiı jäne "So sklada" azyq-tülık dükenı pavilondary örtengen. Qyzyl jalyn "Passaj" sauda üiınıŋ şatyryna, odan ärı "Şamşat" sauda üiıne ūlasqan. TJD örttıŋ oqşaulanǧanyn aitty.
Oqiǧa ornyna alǧaşqy bolyp jetken ört söndıru bölımşelerı saǧat 03:40-ta "Passaj" sauda üiınıŋ pavilondary, dükenderı men şatyry otqa oranu faktısın tırkedı. Sonymen qatar, jaqyn maŋdaǧy bölımşelerdıŋ küşterı men qūraldary şaqyrtu boiynşa oqiǧa ornyna tartyldy. Örttıŋ ülken aumaqqa taraluynyŋ sebebı - ört turaly habardyŋ keş berıluı. Qabyldanǧan şaralardyŋ arqasynda saǧat 06:20-da ört oqşaulanyp, saǧat 07:40-ta tolyqtai joiyldy. Örttıŋ jalpy audany 1958 şarşy metrdı qūrady, - dedı Almaty oblysy TJD baspasöz qyzmetı.Qūrbandar men zardap şekkender joq. Örttıŋ sebebın anyqtau üşın Almaty oblysy TJD anyqtau bölımınıŋ jäne synaq ört zerthanasynyŋ bastyqtary oqiǧa ornynda boldy. Qyzyl jalynda alauyzdyqtauǧa TJD-nyŋ 34 qyzmetkerı men 11 tehnikasy, jol patruldık qyzmetınıŋ 6 qyzmetkerı, 3 tehnikasy jäne jedel medisinalyq järdem brigadasynyŋ 2 tehnikasy jūmyldyryldy.
Ūqsas jaŋalyqtar
