Memlekettık tudy özgertu turaly pıkırtalas barysynda Qyrǧyzstan prezidentı Sadyr Japparov Qazaqstannyŋ eks-prezidentı Nūrsūltan Nazarbaevty eske aldy, dep habarlaidy «Adyrna» ūlttyq portaly Qaz365.kz saityna sılteme jasap.
«Qazaqstan prezidentı 30 jyl el basqardy. Almatydan Elordaǧa köşırerde, parlamentpen osy mäselenı talqylady. Būǧan deputattar qarsy bolyp: «Aqmolaǧa köşu degen nenı bıldıredı», «Aidala» dep qarsy pıkır bıldırdı. Sonda Nazarbaev mınbege şyǧyp: «Halqym, mende bır oi bar. Bügın menıŋ tuǧan künım, bır ret maqūldaŋyzdar» dedı. Sosyn Qazaqstan parlamentı maqūldap, 90-95 paiyzy qoldady», - dedı Japparov. Onyŋ aituynşa, qazırgı elorda älemdegı eŋ ozyq qalalardyŋ bırıne ainaldy. «Men Bışkektı köşırudı sūramaimyn, tym bolmasa tudy özgertuge qoldau körsete alasyz ba? Men sızdıŋ özgerısterıŋızdı qoldaimyn. Maǧan da qoldau körsetıŋızderşı. Tu asa bır özgerıske ūşyramaidy, bız ony azdap özgertemız», - deidı ol. Aita keteiık, Qyrǧyzstan Joǧarǧy keŋesınıŋ deputattary memlekettık tudaǧy kün säulesınıŋ pışının özgertudı ūsynyp otyr. Özgerıstıŋ bastamaşylary – spiker Nūrlanbek Şäkiev pen deputat Ūlan Pırımov. Olardyŋ paiymdauynşa, bügıngı künge deiın Qyrǧyzstannyŋ tuyn «künbaǧys gülı retınde qabyldaityndar bar, tu beinesınıŋ maǧynasyn ekıūşty tüsındırudı joiu üşın şaralar qabyldau qajet. Osy sebeptı deputattar tolqyndy jolaqtardy tüzu etıp özgertıp, künnıŋ şynaiy beinesın körsetu kerektıgın aitady.«Adyrna» ūlttyq portaly
Ūqsas jaŋalyqtar
