Táýelsizdigimizdiń on jyldyǵyn jupyny dámhanada úsh tórt jigit atap ótip, eń sońǵy, túngi avtobýspen bala-shaǵa qaıdasyń dep 25-i avtobýspen kele jatyr edik. Baǵytymyz bir Tólepbergen Bolat ekýimiz jartylaı bos avtobýsqa kirip kelgende ortańǵy jaqta otyrǵan "býlbach" murtty qyryqtyń qyrqasyna shyqqan , kók kóz, murny qyp-qyzyl , maıor pagondy "hoholǵa" kózimiz birden tústi. Sebebi ol 17- jeltoqsannyń aıazyna qaramastan shıneliniń omyraýyn aıqara ashyp, jarqyraǵan sý jańa medaline maqtanarǵa adam taba almaı otyrǵanǵa uqsady. Keshki Úkimet Úıinde bolǵan saltanattan oralǵan bolar dep topshyladym da, otyrǵan jerdegi terezege jabystym.
Al Bolat bolsa, jańaǵy maıordyń qasyna otyra ketip, áńgimege tarta bastady. Men eriksiz moıyn buryp, olardyń áńgimesine qulaq túrýge májbúr boldym .
– Chto, gospodın maıor, s nagrajdenıem, chto lı?
– Spasıbo! Tolko chto polýchıl ıýbıleınýıý medal desıatıletııa NEZAVISIMOSTI Kazahstana. Ne ıa odın, vse s nashego batalona ofıery.
– Da, Vy ,chto! Prekrasno! Mojno dotronýtsıa k Vasheı medalı?- dep óńmeńdep
jatyr Bolat.
– Konechno, mojno-, dep maıor , medalin omyraýynan aǵytyp alyp, erekshe qaırymdylyq jasaǵan keıippen Bolatqa ustatty.
Bókeń medaldi sondaı bir tolqý, ishteı maqtanysh sezimin jasyra almaı , jerden jeti qoıan tapqandaı, ákesi ul tapqandaı, alaqanyna salyp altyn sekildi betine taqap, qaıta-qaıta súıip-súıip jiberdi.
– Da, ty chego? Eto je deshıovka, vetmet, chego eıo elovat?!?- dep maıor qolynan medaldy tartyp aldy. Sol mezette, jylarman kúıge engen men, uryp jibere me, degen oımen áńgimege aralastym.
– Gospodın maıor, a za kakıe takıe Vam zaslýgı medal?- dep suradym. Bir kózim Bolatta, túri buzylyp ketken, tóbeles bastaıtyn túri bar.
–Ia ız vnýtrennıh voısk. Nash batalon ız Alma-Aty. My ýsmırıalı hýlıganov ı pıanı 86-m v Alma -Ate!- degeni sol edi, qasynda tisin qaırap otyrǵan , burynǵy boksshy , qyzba Bolat apperkotty ıektiń astynan joǵary qaraı jiberdi. Maıor nakaýt alyp, esinen tanyp qalpyıyp otyryp qaldy.
Birli jarym otyrǵan, kópshiligi orys tildes jolaýshylar dý ete qaldy.
–Hýlıgany! Prıstalı k voennomý.Mılıııa!!!- dep ý-shý boldy da qaldy.
Baǵymyzǵa qaraı kezekti aıaldamaǵa avtobýs toqtaı qaldy. Jan ushyryp, Bolatty ornynan julyp alyp esikke umtyldym. Bir jez murt:" Vodıtel, ne otkryvaı dverı, poezjaı v raıotdel mılııı!- dep baqyrdy.
Júrgizýshi qazaq jigiti eken esikti japqan joq. Túse sala úı tasalap, bir aýladan ekinshi aýlaǵa tyǵyldyq. Esime tústi : biz túsken aıaldama "Bakaleıa" edi. Taıaq tastam jerde aýdandyq mılıııa bólimi. Qudaı saqtap, saqshylar qolyna túspeı qutyldyq. Sol jerden Ál-Farbı shaǵyn aýdanyna deıin -25gradýs aıazda jaıaý bizdiń úıge ıtshilep jettik-aý, áıteýir!
–Jáke, keshirińiz! Ózimdi ózim ustaı almaı qaldym. Ońbaǵan bılik táýelsizdik úshin kúreskenderdi emes, jendetterdi marapattaýda. Túbinde bul bılik ońbaıdy, qazaqqa opa bermeıdi-, dep eńkildep jylap jiberdi. Ishkenimniń býy da bar, aıaqqa taptalǵan arym, namysym bar, dármensizdikten men de eńirep jiberdim. Tońazytqyshta qalǵan-qutqan bar eken sodan ishimizdegi órtti sóndirýge kiristik...
P.S. Tún ortasy turyp orystildes ózim ashqan "Azamat times" gazetine :" Medalı dostalıs karatelıam!"- degen maqala jazdym. Sol aıdyń aıaǵynda shyqqan maqalamda: "marapat jendeterge jasalyp, al shynaıy kúreskerler tasada qalatyn Bılik halyqqa qarsy -antınarodnaıa vlast"-dep málimdegen edim.
Jankeldi Shymshyqov
